உத்தரப் பிரதேசத் தலைநகர் லக்னோவின் சின்ஹாட் பகுதியில் உள்ள ‘ரெட் பில்டிங் கெஸ்ட் ஹவுஸ்’ என்பதில் 18 நாட்களாகத் தங்கியிருந்த அமித் குமார் (22) மற்றும் நர்கிஸ் (19) ஆகிய இளம் ஜோடியின் சடலங்கள் தூக்கில் தொங்கிய நிலையில் கண்டெடுக்கப்பட்டன. இவர்கள் இருவரும் ஹர்தோய் மாவட்டத்தைச் சேர்ந்தவர்கள் ஆவர்.
நர்கிஸைக் காணவில்லை என்று அவரது தந்தை உஸ்மான் ஏற்கனவே காவல் நிலையத்தில் கடத்தல் புகார் அளித்திருந்தார். இந்தச் சூழலில் தான் இருவரும் லக்னோவில் உள்ள விடுதியில் சடலமாக மீட்கப்பட்டுள்ளனர்.
அவர்கள் தங்கியிருந்த விடுதி அறையில் ஆர்ய சமாஜ் கோயிலில் வழங்கப்பட்ட திருமணச் சான்றிதழ் ஒன்று கண்டெடுக்கப்பட்டது. திருமணத்திற்கு முன்பாக நர்கிஸ் மதமாற்றம் செய்யப்பட்டு, அவரது பெயர் ‘பூஜா’ என மாற்றப்பட்டிருந்ததாக அந்தச் சான்றிதழில் குறிப்பிடப்பட்டுள்ளது.