“தைரியம் இருந்தா தொட்டு பாருங்க பார்க்கலாம்”… அப்புறம் இதுதான் நடக்கும்… சவால் விட்ட ஆதவ் அர்ஜுனா…!

செங்கல்பட்டு மாவட்டம் மாமல்லபுரத்தில் தமிழக வெற்றிக்கழகம் சிறப்பு பொதுக்குழு கூட்டம் இன்று நடைபெற்றது. அந்தக் கூட்டத்தில் கலந்து கொண்டு உரையாற்றிய ஆதவ் அர்ஜுனா  , கரூர் சம்பவத்தை தொடர்ந்து விஜய் 9 மணி நேரம் அழுதார். மக்களின் உணர்வை வைத்து அரசியல் செய்வது தமிழக வெற்றி கழகம் கிடையாது. கரூர் மக்கள் உயிரிழந்த அந்த 30 நாட்களும் கண்ணீர் சிந்தியது மட்டுமல்லாமல் அவர்களை சந்தித்தபோது ஒரு புகைப்படத்தை கூட விஜய் வெளியிடவில்லை. தமிழகத்தின் ஒரே நம்பிக்கை என்பதால் தமிழக வெற்றி கழகம் கட்சியை நோக்கி மக்கள் வந்து கொண்டிருக்கிறார்கள். கூட்டத்திற்கு நிர்வாகிகள் பத்தாயிரம் பேர் வருகிறார்கள் என்று சொல்ல முடியுமே தவிர மக்கள் எவ்வளவு பேர் வருகிறார்கள் என்று எங்களால் எப்படி கணிக்க முடியும்.

இதெல்லாம் உளவுத்துறைக்கு தெரியாதா? இது தெரியவில்லை என்றால் உள்துறை அமைச்சரை ராஜினாமா செய்ய சொல்லுங்கள். நாங்கள் என்ன நடவடிக்கை வேண்டுமானாலும் எடுப்போம் என்று துரைமுருகன் கூறுகிறார். தைரியம் இருந்தால் என் தலைவர் விஜய் மீது கை வையுங்கள் பார்ப்போம். முதலில் அவருடைய வீட்டுக்கு செல்லுங்கள், ஒட்டுமொத்த கல்லூரி இளைஞர்களும் உங்கள் வீட்டுக்கு வருவார்கள். இளைஞர் புரட்சி 2026 ஆம் ஆண்டு உருவாக்கிக் கொண்டிருக்கின்றது என ஆதவ் அர்ஜுனா ஆவேசமாக பேசியுள்ளார்.