லண்டனில் வசிக்கும் இந்தியப் பெண் ஒருவர், அங்குள்ள தேம்ஸ் நதியில் விநாயகர் சிலைகள் கரைக்கப்படுவது குறித்து விமர்சித்து வெளியிட்ட வீடியோ தற்போது சமூக வலைத்தளங்களில் வைரலாகி வருகிறது. நீலாஞ்சனா ஹசாரிகா வர்மா என்ற அந்தப் பெண், வெளிநாடுகளில் நமது பண்டிகைகளைக் கொண்டாடும் முறை குறித்துப் பேசி இணையத்தில் ஒரு புதிய விவாதத்தை ஆரம்பித்து வைத்துள்ளார்.
அந்த வைரல் வீடியோவில் தேம்ஸ் நதியையும் அதன் சுற்றுப்புறத்தையும் காட்டும் அவர், அந்தப் பகுதி எவ்வளவு தூய்மையாகப் பராமரிக்கப்படுகிறது என்பதைச் சுட்டிக்காட்டுகிறார். “இந்தத் தண்ணீரில் ஒரு சிறிய குப்பையோ அல்லது இலையோ கூட கிடையாது. ஆனால், நாமோ விநாயகர் சிலையை இந்த நதியில் வீசி இதையும் ‘புனிதம்’ செய்யப் போகிறோம். இது எனக்கு மிகவும் பெருமையாக இருக்கிறது” என்று கிண்டலான தொனியில் விமர்சித்துள்ளார்.
வீடியோவின் கீழ் தனது உண்மையான நிலைப்பாட்டை விளக்கிய அவர், “நமது கலாச்சாரமும் மரபுகளும் மிகவும் அழகானவை என்பதில் சந்தேகமில்லை. ஆனால், அதே நேரத்தில் நாம் வசிக்கும் சுற்றுச்சூழலையும் பாதுகாக்க வேண்டியது மிகவும் முக்கியம். நாம் எங்கு சென்றாலும் நமது பண்டிகைகளைப் பொறுப்புணர்வுடன் கொண்டாட வேண்டும்” என்று கோரிக்கை விடுத்துள்ளார். இந்தப் பதிவு இணையத்தில் பெரிய விவாதத்தை ஏற்படுத்தியுள்ளது. பெரும்பாலான பயனர்கள் இவரது சுற்றுச்சூழல் அக்கறையை ஆதரித்து வரும் நிலையில், ஒரு சிலர் வழிபாட்டு முறைகளைக் கிண்டல் செய்வதற்குத் தங்களது அதிருப்தியையும் பதிவு செய்து வருகின்றனர்.
நடக்க முடியாத தனது மாமனாரை மருமகள் ஒருவர் தன் தோளில் சுமந்து செல்லும் நெகிழ்ச்சியான வீடியோ காட்சி தற்போது இணையத்தில்…
திருவாரூர் மாவட்டம் திருத்துறைப்பூண்டியில் உள்ள தனியார் பள்ளியில், மூன்று வயது ப்ரீ-கேஜி மாணவன் ஆசிரியர் மற்றும் பள்ளி உதவியாளரால் தாக்கப்பட்ட…
மேற்கு வங்க மாநிலம் ஜார்கிராம் பகுதியைச் சேர்ந்த பிரபல பாம்பு பிடிப்பவரான ‘சர்பபந்து’ என்பவர், செவ்வாய்க்கிழமை இரவு நடைபெற்ற மானசா…
ஆசை வார்த்தை கூறி சிறுமியைப் பாலியல் வன்கொடுமை செய்து கர்ப்பமாக்கிய 55 வயது முதியவருக்கு, போக்சோ சிறப்பு நீதிமன்றம் கடுமையான…
மகாராஷ்டிரா மாநிலம் கோண்டியா மாவட்டத்தில் உள்ள வனப்பகுதியில் 35 வயதான வர்ஷா துர்கர் என்ற விமான நிறுவன ஊழியர் கொலை…
உத்தரப் பிரதேச மாநிலம் கான்பூரில் உள்ள சகேரி காவல் நிலைய எல்லைக்குட்பட்ட பகுதியில், மனிதநேயமற்ற அலட்சியத்தால் ஒரு துயரச் சம்பவம்…