திமுக செயற்குழு கூட்டம் நிறைவடைந்த நிலையில், கட்சியின் துணைப் பொதுச்செயலாளராகப் பொறுப்பு வகிக்கும் கனிமொழிக்குக் கூடுதல் அதிகாரமிக்க பதவிகளான பொதுச்செயலாளர் அல்லது முதன்மைச் செயலாளர் பொறுப்பை வழங்க வேண்டும் என்று திமுக மகளிரணி நிர்வாகிகள் கட்சியின் தலைவர் மு.க.ஸ்டாலினிடம் நேரில் சந்தித்துக் கோரிக்கை விடுத்துள்ளதாகத் தகவல்கள் வெளியாகியுள்ளன.
சமீபகாலமாகக் கட்சிக்குள் அதிகாரம் கொண்ட முக்கிய பொறுப்பை கனிமொழி பெறக்கூடும் என்ற செய்திகள் பரவி வந்த சூழலில், மகளிரணியினரின் இந்தத் திடீர் சந்திப்பும் முன்வைக்கப்பட்ட கோரிக்கையும் தமிழக அரசியல் களத்தில் பெரும் சுவாரசியத்தையும் விவாதத்தையும் ஏற்படுத்தியுள்ளது.