தமிழக சட்டமன்றத் தேர்தல் முடிவுகளுக்குப் பிறகு அமையும் புதிய ஆட்சியில், திமுக அல்லது அதிமுக என யார் வெற்றி பெற்றாலும் மகளிருக்கான உரிமைத் தொகை ₹2,000 வங்கி கணக்கில் வரவு வைக்கப்படுவது உறுதியாகியுள்ளது. மே 10-ஆம் தேதிக்குள் புதிய அரசு பொறுப்பேற்றவுடன், முதல்வரின் முதல் கையெழுத்து இந்த உரிமைத் தொகை தொடர்பான கோப்பிலேயே இருக்கும் என்ற மகிழ்ச்சியான செய்தி வெளியாகியுள்ளது.
இந்தத் திட்டமானது பெண்களிடையே பெரும் எதிர்பார்ப்பை ஏற்படுத்தியுள்ள நிலையில், தமிழக வெற்றிக் கழகம் (தவெக) ஒரு படி மேலே சென்று மகளிருக்கு மாதம் ₹2,500 வழங்கப்படும் என்று அறிவித்துள்ளது குறிப்பிடத்தக்கது. தேர்தல் களத்தில் பிரதான கட்சிகள் அனைத்தும் பெண்களைக் கவரும் வகையில் கவர்ச்சிகரமான நிதி உதவித் திட்டங்களை அறிவித்துள்ளதால், இது பெண் வாக்காளர்களின் முடிவில் முக்கியப் பங்கு வகிக்கும் என்று எதிர்பார்க்கப்படுகிறது.