AC கோச்… மாடர்ன் டிரெஸ்ஸில் அழகான பெண்கள்… பையை திறந்து பார்த்ததும் ஆடிப்போன அதிகாரிகள்.. அம்பலமானது பல லட்ச ரூபாய் போதை கடத்தல்..!!

சத்தீஸ்கர் மாநிலத்தில் வந்தே பாரத் ரயிலின் ஏசி (AC-2) பெட்டியில் போதைப்பொருள் கடத்தியதாக நீலம் ரத்தோர் மற்றும் ரீனா வர்மா என்ற இரு இளம் பெண்கள் கைது செய்யப்பட்டுள்ளனர். விசாகப்பட்டினத்திலிருந்து சுமார் 24 கிலோ போதைப்பொருட்களைக் கடத்தி வந்த இவர்களிடமிருந்து பறிமுதல் செய்யப்பட்ட பொருட்களின் மதிப்பு 3 முதல் 4 லட்சம் ரூபாய் எனத் தெரிவிக்கப்பட்டுள்ளது. போதைப்பொருள் தடுப்புப் பிரிவு (NCB) மற்றும் ரயில்வே பாதுகாப்புப் படை (RPF) இணைந்து நடத்திய அதிரடி சோதனையில் இந்த இளம்பெண்கள் சிக்கியுள்ளனர்.

சமீபகாலமாக, கடத்தல் கும்பல்கள் அழகான இளம் பெண்களைத் தங்கள் சட்டவிரோதத் தொழிலுக்கு ஒரு கேடயமாகப் பயன்படுத்தி வருகின்றன. நான்கு சக்கர வாகனங்களில் பெண்களை முன் இருக்கையில் அமர வைப்பதன் மூலமோ அல்லது உயர் ரக ரயில் பெட்டிகளில் பயணிக்க வைப்பதன் மூலமோ, அதிகாரிகளின் சந்தேகத்திலிருந்து தப்பிக்கலாம் என அவர்கள் கணக்கு போடுகின்றனர். ஜிஎஸ்டி (GST) இல்லாத பொருட்கள் முதல் போதைப்பொருள் வரை எதையும் எவ்விதத் தடையும் இன்றி கடத்தப் பெண்களை ஒரு கருவியாக மாற்றும் போக்கு அதிகரித்து வருவது அதிர்ச்சியளிக்கிறது.

“பெண்கள் எதிலும் சளைத்தவர்கள் அல்ல” என்ற வாசகம் சாதனை படைப்பவர்களுக்குப் பொருத்தமானது, ஆனால் இது போன்ற குற்றச் செயல்களில் ஈடுபடுபவர்களுக்கு அல்ல. பெண்களைக் கடத்தலில் ஈடுபடுத்தினால் சோதனையின் போது பிடிபட மாட்டார்கள் என்ற தவறான எண்ணத்தை உடைக்கும் வகையில் இந்த அதிரடி நடவடிக்கை அமைந்துள்ளது. சமூகத்தில் பெண்களின் மீதான நன்மதிப்பைச் சீரழிக்கும் இத்தகையச் செயல்களில் ஈடுபடுவோருக்குக் கடுமையான தண்டனை வழங்கப்பட வேண்டும் என்பதே பலரின் கருத்தாக உள்ளது.