விடிஞ்சா திருமணம், குளியல் அறைக்குச் சென்ற மணப்பெண்… கதவை திறந்து பார்த்த பெற்றோருக்கு காத்திருந்த பேரதிர்ச்சி…!

ஆந்திர மாநிலம் சித்தூர் மாவட்டம் நகரி அடுத்த சிந்தலப்பட்டடை கிராமத்தை சேர்ந்த பாண்டுரங்கன் என்பவருடைய மனைவி வனிதா. இந்த தம்பதிகளுக்கு சந்தியா (21) என்ற மகள் உள்ள நிலையில் இவர் பி.காம் படித்து வந்துள்ளார். தற்போது இவர்கள் திருவள்ளூர் அடுத்த மணவாள நகரில் வசித்து வருகின்றன. இதனிடையே சந்தியாவுக்கும் பள்ளிப்பட்டு அருகே உள்ள பாரதி நகர் பகுதியை சேர்ந்த மணி என்பவருக்கும் திருமணம் நிச்சயிக்கப்பட்டுள்ளது. இன்று அத்திமாஞ்சேரிபேட்டை அடுத்த கிராமத்தில் திருமணம் நடைபெற இருந்தது.

இதற்காக சந்தியாவின் குடும்பத்தினர் இரண்டு நாட்களுக்கு முன்பு மணமகன் வீட்டுக்கு வந்துள்ளனர். இப்படியான நிலையில் நேற்று காலை சந்தியா குளிப்பதற்காக குளியல் அறைக்கு சென்றுள்ளார். நீண்ட நேரம் ஆகியும் அவர் வெளியே வராததால் அதிர்ச்சி அடைந்த உறவினர்கள் கதவை உடைத்து பார்த்தபோது சந்தியா மயங்கி நிலையில் கீழே கிடந்தார். உடனே அவரை மீட்டு அருகில் உள்ள மருத்துவமனைக்கு உறவினர்கள் அழைத்துச் சென்ற நிலையில் அவரை பரிசோதித்த மருத்துவர்கள் அவர் ஏற்கனவே உயிரிழந்து விட்டதாக தெரிவித்தனர். இதனைக் கேட்ட இரு வீட்டாரும் அதிர்ச்சியில் உறைந்தனர்.

இதனைத் தொடர்ந்து சந்தியாவின் உடல் பிரேத பரிசோதனைக்காக மருத்துவமனைக்கு அனுப்பி வைக்கப்பட்டது. குளியலறைக்கு சென்ற சந்தியா தற்கொலை செய்து கொண்டாரா அல்லது வேறு ஏதாவது காரணமா என்ற கோணத்தில் போலீசார் விசாரணை நடத்தி வருகிறார்கள். இந்த சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது