பெங்களூருவில் உள்ள ஒரு பிரபல தொழில்நுட்ப நிறுவனத்தில் பணியாற்றும் பெண் என்ஜினீயர் ஒருவர், தனது கணவரை விசித்திரமான முறையில் பாலியல் ரீதியாகத் துன்புறுத்திய சம்பவம் பெரும் பரபரப்பை ஏற்படுத்தியுள்ளது. தனியார் நிறுவன ஊழியரான அவரது கணவர், காவல் நிலையத்தில் அளித்துள்ள புகாரின்படி, தனது மனைவிக்குத் தீவிர மதுப்பழக்கம் இருப்பதாகவும், தினமும் போதையில் வந்து தகராறு செய்வதாகவும் தெரிவித்துள்ளார். அதுமட்டுமன்றி, தனது கடந்த கால உறவுகள் குறித்துப் பேசி மனவேதனை அளித்த அந்தப் பெண், தனது தோழிகளுடன் சேர்ந்து உல்லாசமாக இருக்குமாறு கணவரை வற்புறுத்தியதுடன், அதற்காக ஆபாச வீடியோக்களைக் காட்டி கட்டாயப்படுத்தியதாகவும் அந்த வாலிபர் கண்ணீர் மல்கக் கூறியுள்ளார்.
பெற்றோர்கள் சமரசம் செய்தும் அந்தப் பெண்ணின் நடத்தையில் மாற்றம் ஏற்படாததால், பொறுத்துப் பார்த்த கணவர் இறுதியாகப் பிரிந்து வாழ முடிவு செய்துள்ளார். தான் வாங்கிக் கொடுத்த நகைகளைத் திரும்பக் கேட்டபோது மனைவி மறுத்ததால், தற்போது நீதி கேட்டு அம்ருதஹள்ளி போலீஸ் நிலையத்தின் படியேறியுள்ளார். பொதுவாகப் பெண்கள் தான் இதுபோன்ற துன்புறுத்தல்களுக்கு ஆளாவார்கள் என்ற பிம்பத்தை உடைத்து, ஒரு பெண் தனது கணவருக்குப் பாலியல் மற்றும் மன ரீதியான தொல்லைகளைக் கொடுத்திருப்பது அதிகாரிகளுக்கே அதிர்ச்சியை ஏற்படுத்தியுள்ளது. இந்தப் புகாரின் அடிப்படையில் போலீசார் வழக்குப் பதிவு செய்து, அந்தப் பெண் என்ஜினீயரிடம் தீவிர விசாரணை நடத்தி வருகின்றனர்.