டெல்லியின் மையப்பகுதியான கன்னாட் பிளேஸ் பகுதியில் பெண் ஒருவர் பொது இடத்தில் புகைப்பிடித்துக் கொண்டிருந்தார். அப்போது அங்கு பணியில் இருந்த பெண் காவலர் ஒருவர், பொது இடத்தில் புகைப்பிடிப்பது சட்டப்படி குற்றம் என்பதால் உடனடியாக அதை நிறுத்துமாறு அறிவுறுத்தினார். ஆனால், அந்தப் பெண் புகைப் பிடிப்பதை நிறுத்த மறுத்ததோடு, காவலருடன் கடும் வாக்குவாதத்தில் ஈடுபட்டார். மேலும், அந்த இடத்தில் ‘புகைப்பிடிக்கக் கூடாது’ (No Smoking) என்ற அறிவிப்பு பலகை எங்கே இருக்கிறது என்று காட்டும் படி காவலருக்கு சவால் விடுத்தார்.
அந்தப் பெண்ணின் அநாகரீகமான செயலால் ஆத்திரமடையாத அந்தப் பெண் காவலர், அவருக்குச் சரியான பதிலடி கொடுத்தார். அந்தப் பெண்ணுக்கு அபராதம் விதிப்பதோ அல்லது ஆக்ரோஷமாக நடந்துகொள்வதோ தீர்வல்ல என்று கருதிய காவலர், மிகவும் சாதுர்யமாக, “இங்கு புகைப்பிடிக்கக் கூடாது என்று போர்டு இல்லை என்கிறாயே, அப்படியானால் இங்கே புகைப்பிடிக்கலாம் (Smoking Area) என்று எங்கே போர்டு இருக்கிறது? அதை நீ காட்டு” என்று திருப்பி கேட்டார். காவலரின் இந்தத் தர்க்கரீதியான பதிலால் அந்தப் பெண் வாயடைத்துப் போனார்.
A woman was smoking in public place in Connaught Place, Delhi.
A female police officer asked her to stop smoking. Instead of complying, she started arguing and asked cop to show the “No Smoking” board.
Instead of fining and slapping the shit out of this woman, cop asked this… pic.twitter.com/QWbdFe0ZHC
— Incognito (@Incognito_qfs) April 1, 2026
டெல்லியைப் பொறுத்தவரை, ‘டெல்லி புகைப்பிடித்தல் தடை மற்றும் புகைப்பிடிக்காதோர் உடல்நலப் பாதுகாப்புச் சட்டம் 1996’ மற்றும் தேசிய அளவிலான ‘COTPA 2003’ சட்டத்தின் கீழ் பொது இடங்களில் புகைப்பிடிப்பது முற்றிலும் தடை செய்யப்பட்டுள்ளது. இவ்வளவு தெளிவான சட்டங்கள் இருந்தபோதிலும், பலரும் பொது இடங்களில் புகைப்பிடிப்பதையும், சட்டத்தை மீறுவதையும் வழக்கமாக வைத்துள்ளனர். இதுபோன்ற நேரங்களில் அதிகாரிகள் சட்டத்தை நிலைநாட்ட எடுக்கும் இதுபோன்ற சிறு முயற்சிகள் பொதுமக்களிடையே விழிப்புணர்வை ஏற்படுத்த அவசியமாகிறது.