அசாம் மாநிலத்தைச் சேர்ந்த ஹிமாஸ்ரீ போரோ (20) என்ற கல்லூரி மாணவி நிகழ்ச்சி ஒன்றில் பங்கேற்பதற்காக ஆந்திர மாநிலம் விசாகப்பட்டினத்திற்கு வந்துள்ளார். பின்னர் அங்கிருந்து ஊர் திரும்புவதற்காக ‘விவேக் எக்ஸ்பிரஸ்’ ரயிலில் ஏறியுள்ளார். ரயிலில் பயணம் செய்தபோது, “பெட்டியில் அளவுக்கு அதிகமான கூட்டம் இருக்கிறது, நான் ஒருத்தி மட்டுமே பெண். பயமாக இருக்கிறது” எனத் தனது உறவினர்களுக்கு அச்சத்துடன் குறுஞ்செய்தி அனுப்பியுள்ளார்.
அதன்பின்னர் அந்த மாணவி திடீரென மாயமான நிலையில், ஸ்ரீகாகுளம் பகுதியில் ரயில்வே தண்டவாளம் அருகே அவரது உடல் சந்தேகத்திற்குரிய வகையில் சடலமாகக் கண்டெடுக்கப்பட்டுள்ளது. அந்த மாணவியை மர்ம நபர்கள் யாரேனும் ரயிலில் இருந்து கீழே தள்ளிவிட்டுக் கொலை செய்தனரா அல்லது தவறி விழுந்தாரா என்ற கோணத்தில் ரயில்வே போலிஸார் தீவிரமாக வழக்குப் பதிவு செய்து விசாரணை நடத்தி வருகின்றனர்.