பெண்களை பார்த்து கண் அடிப்பதும்.. Flying Kiss கொடுப்பதும் பாலியல் தொல்லை… நீதிமன்றம் பரபரப்பு தீர்ப்பு..!

பெண்களுக்கு விருப்பமில்லாமல் அவர்களைப் பார்த்து கண் அடிப்பது மற்றும் ‘Flying Kiss’ கொடுப்பது போன்றவை சாதாரணமான விஷயமாகக் கருதப்பட முடியாது என்றும், அவை பாலியல் தொல்லை (Sexual Harassment) என்ற வரம்பிற்குள் வரும் என்றும் நீதிமன்றம் அதிரடித் தீர்ப்பளித்துள்ளது. பொது இடங்களில் பெண்களைச் சைகை மூலமாகவோ அல்லது உடல் அசைவுகள் மூலமாகவோ சங்கடப்படுத்துவது இந்தியத் தண்டனைச் சட்டத்தின் கீழ் தண்டனைக்குரிய குற்றமாகும். இது போன்ற செயல்கள் ஒரு பெண்ணின் கண்ணியத்தைக் குறைப்பதாகக் கருதிய நீதிமன்றம், இதனை வெறும் குறும்பு என்று கடந்து செல்ல முடியாது எனத் திட்டவட்டமாகத் தெரிவித்துள்ளது. பெண்களுக்குப் பாதுகாப்பு அளிக்கும் சட்டங்களை வலுப்படுத்தும் நோக்கில் இந்தத் தீர்ப்பு பார்க்கப்படுகிறது.