ரஜினி நடிக்கும் தலைவர் 173 படம்… அப்படி தான் இருக்கும் – ரசிகர்களுக்கு வாக்குறுதி தந்த இயக்குனர் சிபி சக்ரவர்த்தி!

நடிகர் சிவகார்த்திகேயன் நடித்த டான் படத்தை இயக்கியவர் சிபி சக்கரவர்த்தி. அவர் தனது 2வது படமாக நடிகர் ரஜினிகாந்த் நடிக்கும் தலைவர் 173 படத்தை டைரக்ட் செய்ய இருக்கிறார். 2வது படத்திலேயே அவர் ரஜினியை ஹீரோவாக வைத்து டைரக்ட் செய்வது பேசுபொருளாக மாறி இருக்கிறது. குருவி தலையில் பனங்காய் என்பது போல ரஜினி படத்தை அவர் வெற்றி படமாக கொடுப்பாரா என்ற கேள்வி ரசிகர்களிடையே எழுந்துள்ளது.

இதுகுறித்து சமீபத்தில் ஒரு நிகழ்ச்சியில் பங்கேற்ற இயக்குனர் சிபி சக்ரவர்த்தி கூறியதாவது, தலைவர் 173 படம் அறிவிப்பு வெளியான பிறகு நான் கலந்து கொள்ளும் முதல் நிகழ்ச்சி இது. ரஜினி படத்தை நான் இயக்குவதாக அறிவிப்பு வெளியான போது ஏராளமான பாராட்டுகளும் வாழ்த்துக்களும் என்னை தேடி வந்தன.

இந்த நிகழ்ச்சி மூலமாக நான் ரஜினி ரசிகர்களுக்கும் குடும்பத்திற்கும் கொடுக்கும் வாக்குறுதி இதுதான். தலைவர் 173 படத்தை பார்த்துவிட்டு தியேட்டரில் இருந்து நீங்கள் முழு திருப்தியுடன் வெளியேறுவீர்கள். மீண்டும் சொல்கிறேன். இது என்னுடைய வாக்குறுதி என்று சிபி சக்ரவர்த்தி அந்த நிகழ்ச்சியில் உறுதியாக கூறியிருக்கிறார்.