தமிழக மீனவர்கள் இலங்கை கடற்படையினரால் தொடர்ந்து கைது செய்யப்பட்டு வரும் நிலையில், மீண்டும் ஒரு துயரச் சம்பவமாக ராமேஸ்வரத்தைச் சேர்ந்த 5 மீனவர்கள் சிறைபிடிக்கப்பட்டுள்ளனர். வடக்கு மன்னார் கடல் பகுதியில் எல்லைத் தாண்டி மீன்பிடித்ததாகக் கூறி, இவர்களையும் இவர்களது விசைப்படகையும் இலங்கை கடற்படை அதிரடியாகக் கைது செய்துள்ளது. பறிமுதல் செய்யப்பட்ட வலைகள் மற்றும் உடைமைகளுடன் மீனவர்கள் அனைவரும் மன்னார் மீன்வளத்துறை முகாமில் ஒப்படைக்கப்பட்டுள்ளனர்.
இந்தத் தொடர் கைது நடவடிக்கைகள், பாக் ஜலசந்தி பகுதியில் வாழ்வாதாரத்திற்காக கடலுக்குச் செல்லும் மீனவர்களிடையே பெரும் அச்சத்தையும் பாதுகாப்பற்ற உணர்வையும் ஏற்படுத்தியுள்ளது. கடந்த மார்ச் 4-ம் தேதிதான் ராமேஸ்வரத்தைச் சேர்ந்த 12 மீனவர்கள் இலங்கை கடற்படையினரால் கைது செய்யப்பட்டனர். அந்த வடு ஆறுவதற்கு முன்பே, அடுத்த சில தினங்களிலேயே மீண்டும் 5 மீனவர்கள் சிறைபிடிக்கப்பட்டிருப்பது அவர்களது குடும்பத்தினரை நிலைகுலையச் செய்துள்ளது.
மேலும் “கடலுக்குச் சென்றவர்கள் கரை திரும்புவார்களா?” என்ற ஏக்கத்துடன் மீனவப் பெண்கள் கண்ணீர் மல்க அதிகாரிகளிடம் முறையிட்டு வருகின்றனர். மத்திய, மாநில அரசுகள் தலையிட்டு, பறிமுதல் செய்யப்பட்ட படகுகளை மீட்பதுடன், இலங்கை சிறையில் வாடும் தமிழக மீனவர்கள் அனைவரையும் விடுவிக்க நிரந்தர ராஜதந்திர தீர்வை காண வேண்டும் என்பதே ஒட்டுமொத்த மீனவ சமூகத்தின் கோரிக்கையாக உள்ளது.
உலகளாவிய சந்தையில் ஏற்பட்டுள்ள தொடர் சரிவின் எதிரொலியாக, உள்நாட்டிலும் ஆபரணத் தங்கத்தின் விலை கடந்த நான்கு தினங்களில் சவரனுக்குச் சுமார்…
திருச்சி மாவட்டம் மணப்பாறை அருகேயுள்ள கருப்பூர் கிராமத்தைச் சேர்ந்த 36 வயதான துரைமுருகன், மலேசியாவில் கடந்த இரண்டரை ஆண்டுகளாகத் தனியார்…
மதுரை பழங்காநத்தம் - காளவாசல் பைபாஸ் சாலைப் பகுதியில் அண்மையில் திறக்கப்பட்ட பிரபல நகைக்கடையின் புதிய கிளையில் சுமார் 21…
உத்தரப் பிரதேச மாநிலம் கோரக்பூரைச் சேர்ந்த 19 வயது நீட் தேர்வு மாணவி, தனது உடல் தோற்றம் குறித்த தீவிர…
சமூக வலைதளங்களில் பிரபலமடைவதற்காகப் பயணிகள் பயணித்துக் கொண்டிருக்கும்போதே, பேருந்து ஓட்டுநர் ஒருவர் ஓடும் பேருந்திலிருந்து கீழே இறங்கி நடனமாடி ரீல்ஸ்…
கான்பூரின் சிசமாவ் பகுதியில் இரு ஸ்கூட்டர்களுக்கு இடையே ஏற்பட்ட சிறிய மோதல் பெரும் வன்முறைத் தாக்குதலாக மாறியுள்ளது. இந்தச் சம்பவத்தில்…