பொங்கல் பண்டிகையை முன்னிட்டு ஜனவரி 14 முதல் ஜனவரி 18 வரை பள்ளிகளுக்கு தொடர் விடுமுறை அளிக்கப்பட்டிருந்தது. இந்த விடுமுறையைத் தங்கள் சொந்த ஊர்களில் கொண்டாடி முடித்த மாணவர்கள் மற்றும் அவர்களது குடும்பத்தினர் தற்போது மீண்டும் சென்னை உள்ளிட்ட நகரங்களை நோக்கித் திரும்பிக் கொண்டிருக்கின்றனர். இதனால் முக்கிய சாலைகளில் போக்குவரத்து நெரிசல் முன்னெப்போதும் இல்லாத வகையில் மிக அதிகமாகக் காணப்படுகிறது.
தற்போது ஏற்பட்டுள்ள கடும் போக்குவரத்து நெரிசலைக் கருத்தில் கொண்டு, மாணவர்கள் மற்றும் பொதுமக்கள் எவ்வித சிரமமும் இன்றி ஊர் வந்து சேரும் வகையில் நாளையும் (திங்கட்கிழமை) விடுமுறை அளிக்க வேண்டும் எனப் பெற்றோர்கள் தரப்பில் கோரிக்கை விடுக்கப்பட்டுள்ளது. கூடுதல் விடுமுறை அளிப்பதன் மூலம் கூட்ட நெரிசலைத் தவிர்த்து, பொதுமக்கள் நிதானமாகப் பயணம் செய்ய இயலும் என அவர்கள் எதிர்பார்க்கின்றனர்.