கள்ளக்காதலா?… கல்லால் அடித்து கொன்ற கணவன்… நடுத்தெருவில் ரத்த வெள்ளத்தில் மனைவி… கணவனின் பகீர் வாக்குமூலம்…!!

கிருஷ்ணகிரி மாவட்டம் கும்ளாபுரத்தைச் சேர்ந்த நாராயணசாமி மற்றும் வித்யா தம்பதிக்கு இரண்டு குழந்தைகள் உள்ளனர். இந்நிலையில் வித்யாவுக்கும், அக்கம் பக்கத்தில் வசிக்கும் புனித் என்ற இளைஞருக்கும் இடையே தகாத உறவு ஏற்பட்டுள்ளது. இதனை கணவர் மற்றும் ஊர் பெரியவர்கள் பலமுறை கண்டித்தும் வித்யா கேட்காததால், கணவன் – மனைவிக்கு இடையே தொடர்ந்து குடும்பத் தகராறு நீடித்து வந்துள்ளது.

இதையடுத்து சில தினங்களுக்கு முன் வீட்டை விட்டு வெளியேறிய வித்யா, தனது பெயரில் இருந்த ஒரு நிலத்தை ரூபாய் 22 லட்சத்திற்கு விற்றுள்ளார். பின்னர் அந்த பணத்துடன் காதலன் புனித்துடன் கர்நாடகாவிற்கு தப்பிச் சென்றுள்ளார். இந்நிலையில், நேற்று வங்கிப் பணிக்காக மீண்டும் கும்ளாபுரத்திற்கு வித்யா வந்ததை நாராயணசாமி அறிந்துகொண்டார்.

நேராக வங்கிக்குச் சென்ற அவர், நிலத்தை விற்ற பணத்தை குழந்தைகளின் எதிர்காலத்திற்காக கொடுக்கும்படி கேட்டு வித்யாவுடன் கடும் வாக்குவாதத்தில் ஈடுபட்டுள்ளார். வங்கிக்கு வெளியே இந்த சண்டை முற்றிய நிலையில், ஆத்திரமடைந்த நாராயணசாமி அங்கிருந்த கல்லால் மனைவியை சரமாரியாக அடித்துக் கொன்றுள்ளார். தகவலறிந்து வந்த காவல்துறையினர், சடலத்தை பிரேதப் பரிசோதனைக்கு அனுப்பி வைத்ததுடன், மனைவியைக் கொலை செய்த கணவரையும் கைது செய்து தீவிரமாக விசாரித்து வருகின்றனர்.