“கணவர் சொன்ன அந்த ஒரு வார்த்தை”.. பச்சிளம் மகனை மடியில் கிடத்தி இளம்பெண் செய்த காரியம்… விடிந்ததும் காத்திருந்த அதிர்ச்சி…!

ஐதராபாத்தில் திருமண நாளன்று ஏற்பட்ட சிறு குடும்பத் தகராறு, ஒரு தாயையும் அவரது ஐந்து வயது மகனையும் பலிகொண்ட சோகச் சம்பவம் அரங்கேறியுள்ளது. போரபண்டா பகுதியைச் சேர்ந்த மின்வாரிய ஊழியர் முரளி வேணு என்பவரது மனைவி சத்தியவதி, தங்களது திருமண நாளன்று குழந்தைகளுடன் வெளியே செல்ல விரும்பியுள்ளார். ஆனால், முரளி வேணு அதற்கு மறுப்பு தெரிவித்ததுடன், சிலிண்டர் தட்டுப்பாட்டை காரணம் காட்டி குளிப்பதற்கு வெந்நீர் வைத்தது தொடர்பாக மனைவியிடம் கடுமையாக வாக்குவாதத்தில் ஈடுபட்டுள்ளார். கணவனின் தொடர்ச்சியான சிடுமூஞ்சித்தனமும், அலட்சியப் போக்கும் அந்த இளம்பெண்ணை கடும் மன உளைச்சலுக்கு ஆளாக்கியுள்ளது.

தன்னுடைய உணர்வுகளுக்கு மதிப்பளிக்காத கணவனுடன் வாழ்வதை விட சாவதே மேல் என முடிவெடுத்த சத்தியவதி, விபரீத முடிவை கையில் எடுத்தார். ஆத்திரத்திலும் விரக்தியிலும் தனது ஐந்து வயது மகன் ருத்ரன் மற்றும் இரண்டு வயது மகள் தன்விகா ஆகியோரின் கழுத்தை நெரித்துக் கொல்ல முயன்றுள்ளார். பின்னர் தானும் தூக்கிட்டு தற்கொலை செய்துகொண்டார். தகவலறிந்து வந்த போலீசார் மூவரையும் மீட்டு மருத்துவமனைக்கு கொண்டு சென்றனர். அங்கு பரிசோதித்த மருத்துவர்கள், சத்தியவதியும் சிறுவன் ருத்ரனும் ஏற்கனவே உயிரிழந்துவிட்டதாக உறுதிப்படுத்தினர்.

தற்போது இரண்டு வயது பெண் குழந்தை தன்விகா உயிருக்கு ஆபத்தான நிலையில் தீவிர சிகிச்சை பிரிவில் அனுமதிக்கப்பட்டுள்ளார். இந்த கோர சம்பவம் தொடர்பாக வழக்குப்பதிவு செய்துள்ள போலீசார், கணவன் முரளி வேணுவை பிடித்து விசாரணை நடத்தி வருகின்றனர். கேஸ் சிலிண்டர் சிக்கனத்தில் தொடங்கி, திருமண நாள் கொண்டாட்டத்தில் முடிந்த இந்த மோதல், ஒரு பச்சை மண்ணின் உயிரைப் பறித்து அந்தக் குடும்பத்தையே சிதைத்துள்ளது அப்பகுதியில் பெரும் சோகத்தை ஏற்படுத்தியுள்ளது.