அமெரிக்காவின் கனெக்டிகட் மாகாணம் என்ஃபீல்டு பகுதியில், ஈவ் ரோஜர்ஸ் என்ற 12 வயது சிறுமி தனது வீட்டில் சந்தேகத்திற்கிடமான முறையில் சடலமாகக் கண்டெடுக்கப்பட்டார். சிறுமியின் உடலுக்கு அருகே பல்வேறு மாத்திரைகள் சிதறிக் கிடந்த நிலையில், காவல்துறையினர் சம்பவ இடத்திற்கு வந்து உடலை மீட்டு விசாரணை மேற்கொண்டனர். உடற்கூராய்வு அறிக்கையில், ஒவ்வாமை மற்றும் மன அழுத்தத்திற்குப் பயன்படுத்தப்படும் மூன்று வகையான மருந்துகள் அதிகளவில் உடலில் கலந்த நச்சுத்தன்மையே அவரது மரணத்திற்கு முதன்மைக் காரணம் எனக் குறிப்பிடப்பட்டுள்ளது.
இச்சம்பவம் தொடர்பான புலன்விசாரணையில், அச்சிறுமியின் வளர்ப்புத் தந்தையான அந்தோனி ஃபெடர்லைன் மீது கடுமையான பாலியல் வன்கொடுமை மற்றும் சிறுமியின் உயிருக்கு அச்சுறுத்தல் ஏற்படுத்திய பிரிவுகளின் கீழ் வழக்குப்பதிவு செய்யப்பட்டது. தடயவியல் சோதனையில் எடுக்கப்பட்ட டிஎன்ஏ மாதிரிகள் வளர்ப்புத் தந்தையின் அடையாளத்துடன் ஒத்துப்போனதை அடுத்து, அவர் கைது செய்யப்பட்டு சிறையில் அடைக்கப்பட்டார்.
அச்சிறுமி தாமாக இந்த மாத்திரைகளை உட்கொண்டாரா அல்லது வேறு ஏதேனும் சதி பின்னணி உள்ளதா என்ற மரணத்தின் முழுமையான காரணம் குறித்து சட்ட அமலாக்கத் துறை தொடர்ந்து விசாரித்து வருகிறது. அதேவேளையில், பாலியல் குற்றச்சாட்டுக்கு ஆளாகியுள்ள வளர்ப்புத் தந்தை மீதான நீதிமன்ற விசாரணை அடுத்த கட்ட நடவடிக்கைகளுக்காக ஒத்திவைக்கப்பட்டுள்ளது.