“எங்க வீட்டு பொண்ணுக்கு பழக்கமில்லை” போதையில் மாப்பிள்ளையின் நண்பர்கள் அட்டகாசம்… மணப்பெண் எடுத்த முடிவால் மாப்பிளை அதிர்ச்சி…!!

கடந்த இரண்டு தினங்களுக்கு முன்பாக கிருஷ்ணகிரி மாவட்டம் காவேரிப்பட்டினத்தில் உள்ள தனியார் மண்டபத்தில் திருமண வரவேற்பு நிகழ்சி நடைபெற்றது. இந்த வரவேற்பு நிகழ்ச்சியில் ஆட்டம் பாட்டத்தோடு டிஜே நடந்தது. அப்போது அங்கு வந்த மாப்பிள்ளைக்கு நண்பர்கள் மதுபோதையில் மேடையில் ஏறி குத்தாட்டம் போட்டார்கள். அதுமட்டுமின்றி மாப்பிள்ளையை ஆட வைத்தார்கள். அதோடு அவர்கள் நின்று விடாமல் மணப்பெண்ணையும் அழைத்து ஆடுமாறு அழைத்துள்ளார்கள் .ஆனால் அதற்கு அந்த பெண் தனக்கு ஆடி பழக்கம் இல்லை என்றும் தன்னால் ஆட முடியாது என்றும் கூறியுள்ளார். ஆனால் தொடர்ந்து அந்த வாலிபர்கள் வற்புறுத்தியதால் அப்பெண்ணின் உறவினர்கள் எங்கள் வீட்டுப் பெண் ஆட மாட்டார் என்று அந்த வாலிபர்களை கண்டித்துள்ளனர்.

அப்போது கோபம் அடைந்த அந்த வாலிபர்கள் மணமகளின் உறவினர்களோடு சண்டையிட்டதில் தகராறு  கைகலப்பாக முடிந்துள்ளது. இதை பார்த்துக் கொண்டிருந்த மணமகள் இந்த மாப்பிள்ளையை இனி நான் திருமணம் செய்ய மாட்டேன் . திருமணத்தை நிறுத்துங்கள் என்று சொல்லி கழுத்தில் இருந்த மாலையை கழற்றி உள்ளார். இதனால் இந்த திருமணம் வரவேற்போடு நின்று போனது. பின்பு மணப்பெண் வீட்டார்கள் அங்கிருந்து கிளம்பி சென்று விட்டனர். மறுநாள் காலையில் தான் மாப்பிள்ளைக்கும் மதுபோதையில் இருந்த மாப்பிள்ளை நண்பர்களுக்கும் தாங்கள் செய்தது தவறு என்பதை உணர்ந்துள்ளார்கள். ஆனால் குடியால் ஒரு திருமணமே நின்று போன சம்பவம் அதிர்ச்சியை ஏற்படுத்தி உள்ளது.