2026-ஆம் ஆண்டுக்கான பிசிசிஐ-யின் புதிய வீரர்கள் ஒப்பந்தப் பட்டியலில், இந்திய அணியின் மூத்த வீரர்களான ரோஹித் சர்மா மற்றும் விராட் கோலியின் ஊதியத்தில் பெரும் மாற்றம் செய்யப்பட்டுள்ளது. இதுவரை ‘A+’ பிரிவில் இருந்து ஆண்டுக்கு ₹7 கோடி சம்பளம் பெற்று வந்த இவர்களது ஊதியம், தற்போது ₹3 கோடியாகக் குறைக்கப்பட்டுள்ளது. கடந்த ஆண்டு நடைபெற்ற டி20 உலகக்கோப்பை வெற்றிக்குப் பிறகு, சர்வதேச டெஸ்ட் மற்றும் டி20 போட்டிகளில் இருந்து இருவரும் ஓய்வு அறிவித்ததே இந்த அதிரடி மாற்றத்திற்கு முக்கியக் காரணமாகும்.
பிசிசிஐ-யின் புதிய விதிமுறைகளின்படி, மூன்று வகை கிரிக்கெட் போட்டிகளிலும் விளையாடும் வீரர்களுக்கே முன்னுரிமை அளிக்கப்பட்டு ‘A’ பிரிவு வழங்கப்பட்டுள்ளது. ரோஹித் மற்றும் கோலி தற்போது ஒருநாள் போட்டிகளில் (ODI) மட்டுமே விளையாடி வருவதால், அவர்கள் ‘B’ பிரிவுக்கு மாற்றப்பட்டுள்ளனர். இதன் மூலம் இருவருக்கும் தலா ₹4 கோடி வருவாய் இழப்பு ஏற்பட்டுள்ளது. இளம் வீரர்களுக்கு முக்கியத்துவம் அளிக்கும் வகையில் பிசிசிஐ மேற்கொண்டுள்ள இந்த நடவடிக்கை, இந்திய கிரிக்கெட்டின் அடுத்த கட்ட நகர்வாகப் பார்க்கப்படுகிறது.