அவசரப்பட்டுட்டேன்னு நினைக்கிறேன்.. GOAT படத்தை பார்த்துவிட்டு வெங்கட் பிரபுவிடம் தளபதி சொன்ன வார்த்தை..!!

தமிழ் சினிமாவின் உச்ச நட்சத்திரமாக விளங்குபவர் விஜய். வெங்கட் பிரபு இயக்கத்தில் உருவான தி கிரேட்டஸ்ட் ஆஃப் ஆல் டைம் படத்தில் விஜய் நடித்து முடித்துள்ளார். இந்த படத்தில் மீனாட்சி சவுத்ரி, லைலா, சினேகா, பிரபு, பிரசாந்த் உள்ளிட்டோர் முக்கிய கதாபாத்திரத்தில் நடித்துள்ளனர். இந்த படத்தில் விஜய் அப்பா மகன் என இரு கதாபாத்திரத்தில் நடிக்கிறார். வருகிற செப்டம்பர் மாதம் ஐந்தாம் தேதி படம் ரிலீஸ் ஆக உள்ளது.

படத்தின் ஷூட்டிங் ஏற்கனவே முடிவடைந்ததால் தற்போது போஸ்ட் ப்ரோடக்ஷன் பணிகள் தீவிரமாக நடைபெற்றுக் கொண்டிருக்கிறது. அடுத்ததாக எச் வினோத் இயக்கும் தனது 69-ஆவது படத்தில் விஜய் நடிக்க உள்ளார். அதோடு சினிமாவில் இருந்து விலகி அரசியல் ஈடுபடப் போவதாக விஜய் ஏற்கனவே அறிவித்தார். தமிழக வெற்றி கழகம் என்ற கட்சியையும் தொடங்கி விட்டார். படத்தில் டிரெய்லர் அப்டேட் நாளை வெளியாகும் என அறிவிக்கப்பட்டுள்ளது.

ஏற்கனவே தளபதி விஜய் கோட் படத்தின் முதல் பாதியை பார்த்துவிட்டு இரண்டாவது பாதியும் பிரமாதமாக அமைய வேண்டும் என கண்டிஷன் போட்டு இருந்தார். இந்த நிலையில் முழு படத்தையும் பார்த்த விஜய் வெங்கட் பிரபுவிடம் சொன்ன வார்த்தை இணையத்தில் வேகமாக பரவி வருகிறது.

படத்தை பார்த்த விஜய் வெங்கட் பிரபுவிடம் கலக்கிட்ட.. அவசரப்பட்டு நான் ஓய்வை அறிவித்துவிட்டேன். அப்படி இல்லன்னா இன்னொரு படம் உன் கூட பண்ணியிருக்கலாம் என வெங்கட் பிரபுவிடம் கூறினாராம். இதனை கேட்டு வெங்கட் பிரபுவும் பட குழுவினரும் மிகுந்த உற்சாகத்தில் உள்ளனர்.