அதிமுகவிலிருந்து அண்மையில் விலகி, விராலிமலை தொகுதி சட்டமன்ற உறுப்பினர் பதவியையும் ராஜினாமா செய்த முன்னாள் அமைச்சர் சி. விஜயபாஸ்கர், ஆளும் கட்சியான தமிழக வெற்றிக் கழகத்தில் இணையவுள்ளதாக அதிகாரப்பூர்வத் தகவல்கள் வெளியாகின. முதலமைச்சர் சி. ஜோசப் விஜய் முன்னிலையில், ஜூன் 29-ஆம் தேதி திங்கட்கிழமை அன்று சென்னையில் உள்ள ஒரு தனியார் மண்டபத்தில் இந்த இணைப்பு நிகழ்ச்சி பிரம்மாண்டமாக நடைபெற அனைத்து ஏற்பாடுகளும் செய்யப்பட்டிருந்தன. இந்த நிகழ்வில் புதுக்கோட்டை மாவட்டத்தைச் சேர்ந்த அவரது ஆயிரக்கணக்கான ஆதரவாளர்களும் தவெகவில் இணையவிருந்தனர்.
இருப்பினும், தற்போதைய புதிய தகவலின்படி ஜூன் 29 மற்றும் 30 ஆகிய தேதிகளில் தமிழக முதலமைச்சர் தலைமையில் மாவட்ட கலெக்டர்கள் மற்றும் காவல் கண்காணிப்பாளர்கள் (SP) மாநாடு நடைபெற திட்டமிடப்பட்டுள்ளது. இந்த முக்கிய அரசு நிர்வாகக் கூட்டத்தின் காரணமாக, முதலமைச்சர் விஜய் பங்கேற்கவிருந்த சி. விஜயபாஸ்கரின் தவெக இணைப்பு நிகழ்ச்சி தற்காலிகமாக ஒத்திவைக்கப்பட்டுள்ளதாகக் கூறப்படுகிறது. இதனால் அவர் வரும் ஜூலை 2-ஆம் தேதி தவெகவில் அதிகாரப்பூர்வமாக இணைவார் என அரசியல் வட்டாரங்களில் தற்பொழுது பேசப்பட்டு வருகிறது.