“திமுக, அதிமுகவுக்கு வன்னி அரசு கொடுத்த மரண மாஸ் பதிலடி”…. நேரில் அழைத்து விஜய் செய்த காரியம்…. அதிர்ந்துபோன அரசியல் களம்….!

தமிழக சட்டமன்றத் தேர்தலில் தமிழக வெற்றிக் கழகம் தனிப்பெரும் கட்சியாக உருவெடுத்த போதிலும், பெரும்பான்மைக்குக் கூட்டணி தேவைப்பட்ட சூழலில் விசிக, இடதுசாரிகள் மற்றும் ஐயுஎம்எல் கட்சிகளின் ஆதரவோடு அக்கட்சியின் தலைவர் விஜய் முதலமைச்சராகப் பதவியேற்றார். இந்த ஆட்சி மாற்றத்தின் போது கூட்டணித் தலைவர்களைச் சந்திப்பதற்கு முன்பாகவே, தவெக தரப்பில் இருந்து தலைவர்களின் அலுவலகங்களுக்கு சொகுசு சோபாக்கள் அனுப்பி வைக்கப்பட்டன. இந்தச் சம்பவத்தைக் கையில் எடுத்த திமுக, அதிமுக உள்ளிட்ட எதிர்க்கட்சிகள், தற்போதைய தவெக ஆட்சியை “சோபா மாடல் அரசு” என்று கடுமையாக விமர்சித்து, சமூக வலைத்தளங்களில் ட்ரெண்ட் செய்து வந்தன.

எதிர்க்கட்சிகள் தங்களை அசிங்கப்படுத்த நினைத்த அந்த வார்த்தையையே, தங்களின் கொள்கை முழக்கமாக மாற்றி அதிரடி பதிலடி கொடுத்துள்ளார் சமூக நீதித்துறை அமைச்சர் வன்னி அரசு. சமீபத்தில் தனியார் செய்தி ஊடக நேர்காணல் ஒன்றில் பங்கேற்ற அவர், “ஆம், தவெக அரசு சோபா (SOFA) மாடல் அரசுதான்” என்று ஒப்புக்கொண்டதோடு, அதற்குள் ஒளிந்திருக்கும் அரசியல் தத்துவத்தையும் விளக்கினார். அதாவது, S-Social Justice (சமூக நீதி), O-Organised Action (ஒருங்கிணைந்த செயல்பாடு), F-Freedom (சுதந்திரம்), A-Anti-Corruption & Caste (ஊழல் மற்றும் சாதி எதிர்ப்பு) என்பதே அந்த ‘SOFA’ விளக்கமாகும். மேலும், முந்தைய திமுக அரசின் நல்ல திட்டங்கள் தொடர்வதாகவும், கொள்கை அளவில் பெரிய வித்தியாசமில்லை என்றும் அவர் சுட்டிக்காட்டினார்.

அமைச்சர் வன்னி அரசின் இந்தச் சாதுரியமான விளக்கம் தமிழக அரசியல் வட்டாரத்தில் பெரும் வரவேற்பைப் பெற்ற நிலையில், சென்னை தலைமைச் செயலகத்தில் ஒரு நெகிழ்ச்சியான சந்திப்பு நிகழ்ந்துள்ளது. முதலமைச்சர் விஜய்யை நேரில் சந்தித்துத் தனது பிறந்தநாள் வாழ்த்துகளைப் பகிர்ந்துகொண்டார் அமைச்சர் வன்னி அரசு. அப்போது, அமைச்சரின் அந்தச் சமீபத்திய நேர்காணலைத் தான் பார்த்ததாகவும், ‘சோபா மாடல்’ என்பதற்கு அவர் கொடுத்த அரசியல் விளக்கத்தை மிகவும் ரசித்து மகிழ்ந்ததாகவும் முதலமைச்சர் விஜய் வன்னி அரசிடம் நெகிழ்ச்சியுடன் குறிப்பிட்டுப் பாராட்டியுள்ளார்.

இணையத்தில் வைரலாகி வரும் இச்சந்திப்பு குறித்து அமைச்சர் வன்னி அரசு தனது அதிகாரப்பூர்வ ‘எக்ஸ்’ சமூக வலைத்தளப் பக்கத்தில் மகிழ்ச்சியுடன் பதிவிட்டுள்ளார். அதில், முதலமைச்சர் விஜய் தன்னை நேரில் பாராட்டியதை நெகிழ்வோடு பகிர்ந்து கொண்டதுடன், தனது சமூக நீதித்துறை ரீதியான பணிகளைத் தொடர்ந்து சிறப்பாகச் செய்யுமாறு முதலமைச்சர் வாழ்த்தியதாகவும் குறிப்பிட்டுள்ளார். எதிர்க்கட்சிகளின் விமர்சன அம்புக்கே வளைந்து கொடுக்காமல், அதைத் தங்களின் சாதனைப் பிரகடனமாக மாற்றிய அமைச்சரின் சாதுரியமும், அதற்கு முதல்வர் தந்த பாராட்டும் தற்போது சமூக வலைத்தளங்களில் பேசுபொருளாக மாறியுள்ளது.