கப்பு முக்கியம் பிகிலு!.. விடாபிடியாய் நிற்கும் விஜய்.. ஓசூர்-க்கு அடித்த அதிர்ஷ்டம்.. மிரண்டு போன எதிர்க்கட்சிகள்..!!!

தமிழ்நாட்டில் ஏரோஸ்பேஸ் மற்றும் பாதுகாப்புத் துறையை வலுப்படுத்தும் நோக்கில், DRDO-வின் முக்கிய பிரிவான CABS (Centre for Airborne Systems) மையத்தை ஓசூருக்குக் கொண்டு வர தமிழக அரசு தீவிர முயற்சி மேற்கொண்டு வருகிறது. சமீபத்தில் டெல்லியில் பிரதமரைச் சந்தித்த முதலமைச்சர் விஜய் இந்தக் கோரிக்கையை மீண்டும் வலியுறுத்தியுள்ளார். நேத்ரா Mk1A மற்றும் நேத்ரா Mk2 போன்ற, ஒவ்வொன்றும் சுமார் 2,000 கோடி ரூபாய் மதிப்புள்ள வான்வழி கண்காணிப்பு விமானங்களை உருவாக்கும் முக்கியப் பணியில் இந்த CABS மையம் ஈடுபட்டுள்ளது.

மத்திய அரசு தனது AMCA திட்டத்தின் சில பகுதிகளை ஆந்திராவிற்கு ஒதுக்கியுள்ள சூழலில், தமிழ்நாடு இந்த CABS மையத்தைப் பெறுவதில் கூடுதல் ஆர்வம் காட்டி வருகிறது. பெங்களூரு ஏரோஸ்பேஸ் கிளஸ்டருக்கு அருகில் இருப்பதும், ஏற்கனவே இங்கு சில பாதுகாப்புத்துறை பரிசோதனைகள் நடந்துள்ளதும் ஓசூரின் முக்கிய சாதகங்களாகப் பார்க்கப்படுகின்றன. மேலும், மாநிலத்தின் வலுவான உற்பத்தித் திறன் மற்றும் எலக்ட்ரானிக்ஸ் உள்கட்டமைப்பை முன்னிலைப்படுத்தி இத்திட்டத்தை ஈர்க்க தமிழக அரசு முயல்கிறது.

முதலமைச்சர் விஜய்யின் இந்த முயற்சி வெற்றி பெற்று ஓசூரில் இந்த மையம் அமைக்கப்பட்டால், அது அப்பகுதியில் அதிநவீன உயர் தொழில்நுட்ப வேலைவாய்ப்புகளை உருவாக்கும். மேலும், இது இளைஞர்களுக்குப் புதிய வாய்ப்புகளை வழங்கி மாநிலப் பொருளாதாரத்தை வலுப்படுத்துவதுடன், தேசிய அளவில் பாதுகாப்பு மற்றும் ஏரோஸ்பேஸ் உற்பத்தித் துறையில் தமிழ்நாடு ஒரு முன்னணி மாநிலமாக உருவெடுக்கப் பெரும் பலமளிக்கும் என அதிகாரிகள் நம்புகின்றனர்.