திருச்சியில், தவெக தொண்டர்களின் வெள்ளத்தில் விஜய் தனது தேர்தல் பரப்புரையை தொடங்கியுள்ளார். திருச்சி ஏர்போர்ட் வந்தடைந்த அவருக்கு, அங்கு முதல் மரக்கடை MGR சிலை வரை தொண்டர்கள் உற்சாக வரவேற்பு அளித்தனர். சுமார் 9 கி.மீ தூரத்தை 5 மணி நேரமாக கடந்து வந்த விஜய், திரளான தொண்டர்களுக்கு மத்தியில் 2026 தேர்தலுக்காக தனது முதல் உரையை பேசி வருகிறார்.
அடுத்த ஆண்டு நடைபெறவுள்ள ஜனநாயக போருக்கு தயாராவதற்கு முன் உங்களை சந்திக்க வந்துள்ளேன். போருக்கு முன்னர் குலதெய்வ கோவிலில் வழிபாடு செய்வதைப்போல 2026 தேர்தலுக்கான முதல் களமாக திருச்சியை தேர்வு செய்துள்ளேன். திமுக அரசு சொன்னதை செய்துள்ளதா.ரூ.1000 கொடுத்துவிட்டு மக்களை கொச்சைப்படுத்துகிறீர்கள். மகளிர் விடியல் பயணம் என கூறிவிட்டு பெண்களை அவமானப்படுத்துகின்றனர். நாங்கள் அதை செய்வோம் இதை செய்வோம் என வாக்குறுதி கொடுக்க மாட்டோம். நடைமுறைக்கு எது சாத்தியமோ அதை மட்டுமே சொல்வோம் என்று கூறியுள்ளார்.