விஜய் சேதுபதி நடிப்பில் அவரின் 50 ஆவது படமான. ஜூன் 14-ஆம் தேதி மகாராஜா ரிலீஸ் ஆனது. இந்த படத்தை நித்திலன் சுவாமிநாதன் இயக்கியுள்ளார். இதில் விஜய் சேதுபதியுடன் நட்டி நடராஜ், அனுராக் காஷ்யப், அபிராமி, மம்தா மோகன்தாஸ், பாய்ஸ் மணிகண்டன் மற்றும் சிங்கம்புலி உள்ளிட்ட பலர் முக்கிய கதாபாத்திரத்தில் நடித்துள்ளனர். படம் ரிலீஸானது முதல் நேர்மறையான விமர்சனங்களைப் பெற்றுள்ளது.
விமர்சன ரீதியாகவும் வசூல் ரீதியாகவும் படம் சூப்பர் ஹிட் ஆனது. இந்த ஆண்டில் மிகப்பெரிய ஓபனிங் பெற்ற மூன்றாவது படமாக மகாராஜா படம் உள்ளது. இந்த படம் முதல் மூன்று நாட்களில் 25 கோடியில் இருந்து 30 கோடி ரூபாய் அளவுக்கு வசூலித்திருக்கும் என சொல்லப்படுகிறது.
விஜய் சேதுபதி தொலைந்த ஒரு குப்பைத் தொட்டியை தேடி காவல் நிலையத்தில் புகார் அளிக்க சென்றார். அதனை எப்படி கண்டுபிடித்து தருவது என காவலர்கள் கோபமாக கேட்கின்றனர். அப்போது அந்த குப்பை தொட்டியில் என்ன தான் இருக்கிறது என்று சொல்வது கதைக்களமாக அமைகிறது. இறுதியில் அவர் குப்பைத் தொட்டிக்காக வரவில்லை என்றும் தன்னுடைய மகளைப் பாலியல் பலாத்காரம் செய்த ஒருவரை தேடிதான் வந்துள்ளார் என்றும் தெரியவருகிறது.
அவரைக் கண்டுபிடித்தாரா இறுதியில் வில்லனை எப்படி பழிவாங்கினார். க்ளைமேக்ஸ் காட்சியில் விஜய் சேதுபதியின் சந்தோஷத்தைக் கெடுத்து விட்டதாக நினைக்கும் வில்லன் அடையும் ஷாக் என்ன என்பதே இந்த படத்தின் திரைக்கதை. முதல் பாதி கருப்பு நகைச்சுவையாகவும், இரண்டாவது பாதி எமோஷனல் ஆகவும் இருப்பதாக விமர்சனங்கள் வெளியாகி உள்ளது.
இந்த படம் நல்ல வசூலைப் பெற்றாலும் இது கொரியன் படமான ஓல்ட் பாய் படத்தின் கதையைத் தழுவி உருவாக்கப்பட்டுள்ளதாக விமர்சனங்கள் எழுந்துள்ளன. அதுபோல மலையாளத்தில் சில ஆண்டுகளுக்கு முன்னர் வெளியான இரட்ட படத்தின் காப்பி என்றும் ஒரு விமர்சனம் வைக்கப்பட்டு வருகிறது. இன்னும் ஒருசிலரோ இந்த படத்தின் இறுதியில் நடக்கும் ஒரு டிவிஸ்ட் பல ஆண்டுகளுக்கு முன்பே அஜித்தின் அமர்க்களம் படத்தில் வைக்கப்பட்ட ஒரு காட்சிதான் என்றும் விமர்சித்து வருகின்றனர்.