நடிகர் விஜய் சேதுபதி ஆரம்பத்தில் சில காட்சிகளில் துணை நடிகராக நடித்து பிறகு ஹீரோவாக மாறியவர். நல்ல நடிகராக இப்போது ரசிகர்களின் மனதில் நிற்கிறார். ஹீரோவாக மட்டுமின்றி ரஜினி கமல் விஜய் ஷாருக்கான் போன்ற ஹீரோக்களில் படங்களில் வில்லனாகவும் படங்களில் அவர் நடித்திருக்கிறார்.பல படங்களில் கெஸ்ட் ரோலிலும் அவர் நடித்துள்ளார். சில படங்களை அவர் சொந்தமாக தயாரித்தும் இருக்கிறார்.
இப்போது தெலுங்கில் விஜய் தேவரகொண்டா ஹீரோவாக நடிக்கும் ஒரு படத்தில் வில்லனாக நடிக்கிறார். ஜெயிலர் 2 படத்திலும் வில்லனாக அவர் நடித்துள்ளார். இதுதவிர பூரி ஜெகநாதன் இயக்கத்தில் ஒரு படத்தில் நடிக்கிறார். இதுதவிர மணிரத்னம் இயக்கும் ஒரு படத்தில் நடிக்க கமிட் ஆகியுள்ளார். அத்துடன் பிக்பாஸ் நிகழ்ச்சி தொகுப்பாளராகவும் இருந்து வருகிறார்.
இவ்வளவு பிஸியான ஷெட்யூலிலும் அவர் விளம்பரங்களிலும் நடிக்க ஆர்வமாக உள்ளார். சமீபத்தில் சென்னை ஈசிஆர் ரோட்டில் உள்ள ஒரு அரங்கில் விளம்பர படம் ஷூட்டிங் ஒன்றில் விஜய் சேதுபதி கலந்துக்கொண்டு 2 நாட்கள் அவர் நடித்திருக்கிறார். இது பேஸ்புக் விளம்பரம் என்று சொல்லப்படுகிறது. இப்படி கிடைக்கிற பந்தில் எல்லாம் சிக்ஸர் அடிப்பது போல, தொடர்ந்து நடித்து வருகிறார் விஜய் சேதுபதி என்பது குறிப்பிடத்தக்கது.