“காவிரி நீரைத் தர மறுக்கும் கர்நாடகா…” வாய் திறக்காத விஜய்… ‘ஜனநாயகன்’ வெற்றியா?… கொந்தளிக்கும் எதிர்க்கட்சி… தமிழக அரசியலில் பரபரப்பு…!

கர்நாடக அரசு தமிழகத்திற்கு காவிரி நீரைத் தர மறுத்துவரும் விவகாரத்தில், தமிழக முதல்வர் விஜய் அமைதி காப்பது அரசியல் களத்தில் பெரும் விவாதத்தை ஏற்படுத்தியுள்ளது. காவிரி மேலாண்மை ஆணையக் கூட்டத்தில் தமிழகத்திற்குத் தண்ணீர் திறக்க முடியாது என்று கர்நாடக அரசு திட்டவட்டமாகத் தெரிவித்த போதும், தவெக தரப்பிலிருந்து அதற்கேற்ப உரிய எதிர்வினைகள் எதுவும் ஆற்றப்படவில்லை. எல்லாவற்றையும் பேசித் தீர்த்துக்கொள்ளலாம் என்ற விஜய்யின் சமரசப் போக்கு தமிழகத்தின் உரிமையைப் பலவீனப்படுத்துவதாக எதிர்க்கட்சியினர் குற்றம்சாட்டி வருகின்றனர். குறிப்பாக, கர்நாடக முதல்வரை நேரில் சந்தித்துப் பேசப் போவதாக தவெக அமைச்சர்கள் தெரிவித்துள்ள கருத்தும் கடுமையான விமர்சனங்களைச் சந்தித்துள்ளது.

இதற்கிடையே, கர்நாடக மாநிலத்தில் ‘ஜனநாயகன்’ திரைப்படம் வெற்றிகரமாக ஓடிக்கொண்டிருப்பதால், கர்நாடகத்திற்கு எதிராக முதல்வர் விஜய் கருத்து தெரிவித்தால் தன் படத்திற்கு அங்கு சிக்கல் ஏற்படும் என்ற வியாபார நோக்கத்தில்தான் அவர் மௌனம் காப்பதாக திமுகவினர் சமூக வலைத்தளங்களில் கடுமையாக விமர்சித்து வருகின்றனர். தமிழகத்தின் ஜீவாதாரப் பிரச்சினையான காவிரி விவகாரத்தில் அரசியல் மற்றும் வணிக நலன்களைத் தாண்டி, மாநிலத்தின் உரிமையை நிலைநாட்ட வேண்டிய முக்கியக் கட்டத்தில் முதல்வர் விஜய் இருக்கிறாரா என்ற கேள்வி தற்போது பொதுவெளியில் எழுந்துள்ளது.