“அந்த ஒரு வார்த்தை சொன்னால் போதும்… நான் பிச்சை எடுக்கவும் தயார்”…. மேடையிலேயே கண்கலங்கிய விஜய் ஆண்டனி…!

தமிழ் திரையுலகில் இசையமைப்பாளர், நடிகர், தயாரிப்பாளர் எனப் பன்முகத் திறமைகொண்டவராகத் திகழ்பவர் விஜய் ஆண்டனி. திரையில் மற்றவர்களின் சாயல் இன்றி தனித்துவமான இசையையும், நடிப்பையும் வழங்கி வரும் அவர், நிஜ வாழ்க்கையிலும் மனிதாபிமானம் மிக்கவராக அறியப்படுகிறார். சிறு வயதிலேயே தந்தையை இழந்து வறுமையின் பிடியில் சிக்கி, பின் கடும் உழைப்பால் இன்று உயர்ந்த நிலையை எட்டியுள்ள அவர், எளிய மக்களின் வலியை நன்கு உணர்ந்தவர் என்பதால் அவ்வப்போது சமூக அக்கறையுள்ள கருத்துக்களைத் தெரிவித்து வருகிறார்.

இயக்குநர் சசியின் இயக்கத்தில் விஜய் ஆண்டனி நடித்த ‘பிச்சைக்காரன்’ திரைப்படம் அவரது திரைப்பயணத்தில் ஒரு மிகப்பெரிய மைல்கல்லாக அமைந்தது. அந்தப் படத்தில் தன் தாயின் உயிர் பிழைக்க வேண்டும் என்பதற்காக ஒரு மண்டலம் (48 நாட்கள்) பிச்சை எடுக்கும் கதாபாத்திரத்தில் அவர் நடித்திருப்பார். இந்தத் திரைப்படம் மக்களிடையே பெரும் தாக்கத்தை ஏற்படுத்திய நிலையில், நிஜ வாழ்க்கையிலும் பிறருக்கு உதவுவது குறித்து அவர் வெளியிட்டுள்ள கருத்து தற்போது சமூக வலைதளங்களில் வைரலாகி வருகிறது.

சமீபத்திய பேட்டி ஒன்றில் பேசிய விஜய் ஆண்டனி, “அன்புக்கு முன்னால் அந்தஸ்து என்பது ஒரு தடையே அல்ல” என்று குறிப்பிட்டுள்ளார். மேலும், “எனது தாய், தம்பி அல்லது தங்கையைத் தாண்டி, ஒரு அந்நியராக நீங்கள் என் வீடு தேடி வந்து, ‘நான் ஒரு பெரிய பிரச்சினையில் மாட்டிக்கொண்டேன், நீங்கள் எனக்காகப் பிச்சை எடுத்தால் தான் நான் பிழைப்பேன்’ என்று கண்ணீர் மல்கக் கூறினால், கண்டிப்பதாக நான் உங்களுக்காகவும் பிச்சை எடுப்பேன்” என்று உருக்கமாகத் தெரிவித்துள்ளார்.

சில மாதங்களுக்கு முன்பு தனது மூத்த மகளின் இழப்பால் சொல்லொணாத் துயரத்திற்கு ஆளான விஜய் ஆண்டனி, அந்தப் பாதிப்பிலிருந்து மீண்டு வந்து தற்போது தனது பணிகளில் கவனம் செலுத்தி வருகிறார். குடும்பத்தின் முக்கியத்துவத்தையும், சக மனிதர்கள் மீது காட்ட வேண்டிய அன்பையும் அவர் தொடர்ந்து வலியுறுத்தி வருவது அவரது ரசிகர்களிடையே நெகிழ்ச்சியை ஏற்படுத்தியுள்ளது. பிச்சை எடுப்பதைக் கூட ஒரு சேவையாகச் செய்யத் தயங்க மாட்டேன் என்ற அவரது இந்த மனிதநேயப் பண்பு பலரது பாராட்டுகளைப் பெற்றுள்ளது.