சிறுமியை ஆசிரியர் ஒருவர் கொடூரமாகத் தாக்கும் வீடியோ ஒன்று சமூக வலைதளங்களில் வெளியாகிப் பெரும் அதிர்ச்சியையும் கொந்தளிப்பையும் ஏற்படுத்தியுள்ளது. அந்த வீடியோவில், ஆசிரியர் தாக்குதலுக்கு ஆளாகும் சிறுமி கதறி அழுவதும், அருகில் இருக்கும் மற்றொரு குழந்தை பயத்துடனும் அசௌகரியத்துடனும் அமர்ந்திருப்பதும் தெளிவாகத் தெரிகிறது.
சமீபத்தில் ஆசிரியர் அடித்ததில் ஒரு சிறுவன் மாரடைப்பு ஏற்பட்டு உயிரிழந்த சோக சம்பவம் நடந்த பின்னரும், இதுபோன்ற சம்பவங்கள் தொடர்வது அச்சத்தை ஏற்படுத்தியுள்ளது. குழந்தைகள் தவறு செய்தால் கண்டிப்பதும், கண்டிப்புடன் நடத்துவதும் வேறு; ஆனால், அவர்களை அச்சுறுத்தும் வகையில் சித்திரவதை செய்வது வன்முறை எனச் சமூக ஆர்வலர்கள் சுட்டிக்காட்டுகின்றனர். இத்தகைய கொடூரச் செயலில் ஈடுபட்ட ஆசிரியர் மீது காவல் துறையும் கல்வித் துறையும் உடனடியாகக் கடுமையான நடவடிக்கை எடுக்க வேண்டும் என இணையவாசிகள் கோரிக்கை விடுத்து வருகின்றனர்.