தமிழ் சினிமாவின் முன்னணி நடிகராக வலம் வந்து கொண்டிருக்கும் அஜித் நடிப்பில் விடாமுயற்சி திரைப்படம் தயாராகியுள்ளது. லைக்கா தயாரிப்பில் அனிருத் இசையில் உருவாகியுள்ள இந்த திரைப்படத்தை மகிழ் திருமேனி இயக்கியுள்ளார். இந்தத் திரைப்படம் தற்போது இறுதி கட்டத்தை எட்டியுள்ள நிலையில் அஜர்பைஜானில் படத்தின் படப்பிடிப்பு முழுவதும் முடிவடைந்துள்ளதாக சொல்லப்படும் நிலையில் மீதம் ஒரு பாடல் மட்டும் படமாக்கப்பட உள்ளது. டிசம்பர் அல்லது அடுத்த ஆண்டு பொங்கல் பண்டிகையை முன்னிட்டு விடாமுயற்சி திரைப்படம் வெளியாகும் என எதிர்பார்க்கப்படுகிறது.
ஆனால் அதற்கு முன்னதாக பொங்கல் பண்டிகையை முன்னிட்டு அஜித் நடித்து வரும் மற்றொரு திரைப்படமான குட் பேட் அக்லி திரைப்படம் வெளியாக உள்ளதாக அதிகாரப்பூர்வமாக அறிவிக்கப்பட்டுள்ளது.இந்த நிலையில் சூப்பர் ஸ்டார் ரஜினியின் பேட்டை என் திரைப்படம் அக்டோபர் 10ஆம் தேதி வெளியாக உள்ள நிலையில், இந்த படத்தை தயாரித்துள்ள லைகா நிறுவனம் தான் அஜித் நடித்துள்ள விடாமுயற்சி திரைப்படத்தையும் தயாரித்துள்ளது.
இதனைத் தொடர்ந்து விடாமுயற்சி படத்தின் டீசர் அவசர அவசரமாக தயாராகி வருவதாகவும் வேட்டையன் படத்தில் இடைவேளையின் போது விடாமுயற்சி படத்தின் டீசர் வெளியிட திட்டமிட்டுள்ளதாகவும் கூறப்படுகிறது. இந்த தகவல் உறுதி செய்யப்பட்டால் அஜித் மற்றும் ரஜினி ரசிகர்களுக்கு வேட்டையன் படம் பார்க்கப் போகும்போது செம்ம விருந்து காத்திருக்கிறது என்பது குறிப்பிடத்தக்கது.