விஜய் – திரிஷா பற்றி நயினார் பேசியது சின்ன விஷயம்… இது ஊதி ஊதி பெருசாக்குறாங்க.. வக்காலத்து வாங்கும் வானதி சீனிவாசன்…!!

கோவையில் பிப்ரவரி 15 அன்று நடைபெற்ற பாஜக நிகழ்ச்சியில் பங்கேற்ற அக்கட்சியின் தேசிய மகளிரணி தலைவி வானதி சீனிவாசன், செய்தியாளர்களிடம் பேசுகையில் பாஜக மாநிலத் தலைவர் நயினார் நாகேந்திரனின் சமீபத்திய சர்ச்சைப் பேச்சு குறித்துத் தனது கருத்தைப் பகிர்ந்து கொண்டார். நடிகை திரிஷா மற்றும் விஜய் குறித்து நயினார் நாகேந்திரன் பேசியது தொடர்பாக எழுந்த கேள்விக்கு பதிலளித்த அவர், நயினார் நாகேந்திரன் பொதுவாக மிகவும் அன்பாகவும் நாகரிகமாகவும் பேசக்கூடியவர் என்றும், சட்டமன்றத்தில் கூட அவர் அமைதியானவர் என்றே பெயரெடுத்தவர் என்றும் குறிப்பிட்டார். இருப்பினும், அவர் எதற்காக நடிகை திரிஷாவின் பெயரை அந்த இடத்தில் குறிப்பிட்டார் என்று தெரியவில்லை என்றும், அது தனக்குச் சற்றே வருத்தமளிப்பதாகவும் வானதி சீனிவாசன் தெரிவித்தார்.