‘வானத்தை போல’ சீரியல் துளசிக்கு விரைவில் டும் டும் டும்… சத்தமில்லாமல் நடந்து முடிந்த நிச்சயதார்த்தம்… மணமகன் இவர்தானா..?

சன் தொலைக்காட்சியில் ஒளிபரப்பாகி வரும் சூப்பர் ஹிட் சீரியல்களில் ஒன்று ‘வானத்தைப்போல’.  இந்த சீரியல் 2020ல் சன் டிவியில் தொடங்கப்பட்டது. அண்ணன் -தங்கை பாசத்தை அடிப்படையாகக் கொண்டு உருவாக்கப்பட்ட இந்த கதை ரசிகர்கள் மத்தியில் மிகப்பெரிய வரவேற்பு பெற்றது.

அண்ணன் சின்ராசுவின் மீது பாசமாக இருக்கும் தங்கையாக துளசி கதாபாத்திரத்தில் நடித்திருந்தவர் தான் நடிகை ஸ்வேதா. ஆனால் இவர் பாதியிலேயே இந்த சீரியலை விட்டு விலகினார். இதை தொடர்ந்து பல நடிகர்கள் தற்பொழுது வரை வானத்தைப்போல சீரியலை விட்டு விலகி உள்ளனர்.

வானத்தைப்போல சீரியல் இருந்து விலகிய நடிகை ஸ்வேதா தற்பொழுது கலைஞர் தொலைக்காட்சியில் ஒளிபரப்பாகி வரும் ‘கண்ணெதிரே தோன்றினாள்’ என்ற புது தொடரில் ஹீரோயினாக நடித்து வருகிறார். இந்நிலையில் அவருக்கு இன்று திருமண நிச்சயதார்த்தம் நடந்து முடிந்துள்ளது. மணமகன் யார் தெரியுமா உங்களுக்கு? கர்நாடகாவை சேர்ந்த மது ஷங்கர் கௌடா என்பவரை தான் நடிகை ஸ்வேதா திருமணம் செய்து கொள்ள உள்ளார்.

தற்பொழுது இவர்களின் நிச்சயதார்த்தம் பிரம்மாண்டமான முறையில் நடந்துள்ளது. இதில் கண்ணெதிரே தோன்றினாள் மற்றும் வானத்தைப்போல சீரியல் நடிகர்கள் பலரும் கலந்து கொண்டு மணமக்களை வாழ்த்தியுள்ளனர்.

தற்பொழுது இவர்களின் திருமண நிச்சயதார்த்த புகைப்படங்கள் இணையத்தில் வெளியாகி வைரலாகி வருகிறது. இதைப்பார்த்த ரசிகர்களும் அவருக்கு வாழ்த்துக்களை கூறி வருகின்றனர்.