100 கோடி கலெக்ஷன் பண்ண நடிகர்களின் முதல் படங்கள்.. எந்த நடிகரும் செய்யாத சாதனையை படைத்த இளம் நடிகர்..!!

சூப்பர் ஸ்டார் ரஜினிகாந்த் உலக நாயகன் கமல்ஹாசன் ஆகியோர் தமிழ் சினிமாவில் முன்னணி கதாநாயகர்களாக வலம் வருகின்றனர். இவர்களுக்கு பிறகு விஜய், அஜித் குமார், சூர்யா, விக்ரம், தனுஷ், சிலம்பரசன், சிவகார்த்திகேயன், கார்த்தி, விஜய் சேதுபதி உள்ளிட்டோர் முன்னணி கதாநாயகர்களாக வலம் வருகின்றனர். ஒரு படத்தின் வெற்றி அதன் கதைக்களத்தை பொறுத்து அமையும்.

நடிகர்கள் நல்ல கதை அம்சம் கொண்ட படங்களை தேர்ந்தெடுத்து தங்களால் முடிந்த அளவு முழு ஒத்துழைப்பையும் கொடுக்கின்றனர். ஒரு படம் மக்களிடையே வரவேற்பை பெற்று அதிக வசூலை செய்ய வேண்டும் என்றால் அதில் ஹீரோ ஹீரோயின் மட்டுமில்லாமல் படக்குழுவினரின் மொத்த பங்கும் உள்ளது. அப்படி முதன் முதலில் 100 கோடி ரூபாய் வசூல் செய்த முன்னணி நடிகர்களின் படங்கள் குறித்து பார்ப்போம்.

அந்த வகையில் சிவாஜி படம் முதன் முதலில் 100 கோடி ரூபாய் வசூல் செய்து சூப்பர் ஸ்டார் ரஜினிகாந்தின் புகழை உயர்த்தியது. அடுத்ததாக கமல்ஹாசனின் தசாவதாரம் படம் 100 கோடி ரூபாய் வசூல் செய்தது. பின்னர் விஜயின் துப்பாக்கி படம் 100 கோடி ரூபாய் வசூல் செய்து பெரும் பெயரைத் தேடித் தந்தது. அஜித்தின் மங்காத்தா திரைப்படம் 100 கோடி ரூபாய் வசூல் செய்தது. சூர்யாவின் ஏழாம் அறிவு திரைப்படம், சியான் விக்ரமின் ஐ திரைப்படம் 100 கோடி ரூபாய் வசூல் செய்து திரை வாழ்க்கையில் பெரும் திருப்புமுனையாக அமைந்தது.

தனுஷின் அசுரன், சிலம்பரசனின் மாநாடு ஆகிய படங்களும் 100 கோடி ரூபாய் வசூல் செய்த முதல் திரைப்படம். இதனை அடுத்து சிவகார்த்திகேயனின் டாக்டர், கார்த்தியின் கைதி, விஷாலின் மார்க் ஆண்டனி, ராகவா லாரன்ஸின் காஞ்சனா 2, சுந்தர் சியின் அரண்மனை 4, விஜய் சேதுபதியின் மகாராஜா ஆகிய படங்களும் 100 கோடி ரூபாய் வசூல் செய்து சம்பந்தப்பட்ட கதாநாயகர்களின் திரை வாழ்கையில் திருப்புமுனையாக அமைந்துள்ளது. இந்த நிலையில் இளம் நடிகரான பிரதீப் ரங்கநாதன் லவ் டுடே படத்தில் ஹீரோவாக என்ட்ரி கொடுத்தார். அவர் நடித்த முதல் படமே நூறு கோடி ரூபாய் வசூல் செய்து சாதனை படைத்தது.