அமெரிக்கத் துணைத் தலைவர் ஜே.டி. வான்ஸின் மனைவி உஷா வான்ஸ், மேரிலாந்தில் உள்ள ‘ஜாயிண்ட் பேஸ் ஆண்ட்ரூஸ்’ தளத்தில் ஹெலிகாப்டரில் இருந்து கீழே இறங்கும்போது எதிர்பாராதவிதமாகப் படிக்கட்டில் தடுமாறினார். அந்தச் சமயத்தில் அவர் தனது 9 வாரக் குழந்தையான அலெக் நீல் வான்ஸைக் கையில் வைத்திருந்தார்.
இருப்பினும், சாமர்த்தியமாக கைப்பிடியைப் பிடித்து கொண்டதால் அவருக்கும் குழந்தைக்கும் எந்தப் பாதிப்பும் ஏற்படவில்லை. அவருக்குப் பின்னால் வந்த ஜே.டி. வான்ஸ், தனது 4 வயது மகளுடன் இறங்கி வந்தார். அருகில் இருந்த பாதுகாப்புப் படையினர் உதவி செய்ய முன்வராதது குறித்து இணையத்தில் கேள்விகள் எழுந்துள்ளன. அலாஸ்காவிற்குப் பிரச்சாரப் பயணம் மேற்கொண்டபோது இந்தச் சம்பவம் நிகழ்ந்துள்ளது.