டிஆர்பி ரேட்டிங்-கில் முதல் 10 இடத்தை பிடித்த சீரியல்களைப் பற்றி இந்த தொகுப்பில் நாம் பார்ப்போம்.
தொலைக்காட்சி தொடர்களில் அர்பன் மற்றும் ரூரல் டிஆர்பி குறித்த விவரங்கள் தற்போது வெளியாகியிருக்கின்றது. இதில் கடந்த இரண்டு வாரங்களாக டிஆர்பி-யில் முதலிடத்தை தக்க வைத்துக் கொண்டிருந்த சிறகடிக்க ஆசை சீரியல் இந்த வாரமும் 9.84 டிஆர்பி புள்ளிகளுடன் முதல் இடத்தை பிடித்திருக்கின்றது. தொடர்ந்து ட்விஸ்ட் வைத்து இந்த சீரியலை மிகவும் பிரபலமாக ஒளிபரப்பி வருகிறார்கள்.
இதையடுத்து சன் டிவியில் முக்கிய சீரியலாக இருக்கும் கயல் சீரியல் 8.81 டிஆர்பி ரேட்டிங் உடன் இரண்டாம் இடத்தை பிடித்திருக்கின்றது. எழிலை கயல் திருமணம் செய்து கொள்வாரா? இல்லையா? என்பது இந்த சீரியலை பார்ப்பவர்களின் எதிர்பார்ப்பாக இருந்து வருகின்றது. இதில் அதிரடியாக உள்ளே நுழைந்த மற்றொரு விஜய் டிவி சீரியல் பாக்கியலட்சுமி. இது டாப் 3வது இடத்திற்கு வந்திருக்கின்றது.
8.67 டிஆர்பி புள்ளிகள் உடன் இந்த சீரியல் மூன்றாவது இடத்தை பிடித்திருக்கின்றது. எதிர்பாராத காட்சிகளும் திருப்புமுனையும் இதற்கு காரணம் என்று கூறி வருகிறார்கள், டிஆர்பி ரேட்டிங்கில் பல மாதங்களாக முதலிடத்தை பிடித்திருந்த சிங்க பெண்ணே சீரியல் 4-வது இடத்திற்கு தள்ளப்பட்டுள்ளது. முன்பை விட இந்த சீரியலில் சுவாரஸ்யம் குறைவாக இருப்பதால் நான்காவது இடத்திற்கு தள்ளப்பட்டுள்ளது.
இதையடுத்து சமீபத்தில் சன் டிவியில் தொடங்கப்பட்ட மருமகள் சீரியல் 8.05 புள்ளிகளுடன் ஐந்தாவது இடத்தை பிடித்திருக்கின்றது. இடைத்தொடர்ந்து ஆறாவது இடத்தில் வானத்தைப்போல சீரியல் 7.35 புள்ளிகளுடன் இருக்கின்றது.
பின்னர் விஜய் டிவி தொடரான பாண்டியன் ஸ்டோர் 2 சீரியல் இந்த வாரம் டிஆர்பி ரேட்டிங்கில் 7.30 புள்ளிகளுடன் ஏழாவது இடத்தையும், சன் டிவியில் ஒளிபரப்பாகி வந்த சுந்தரி சீரியல் 7.24 டிஆர்பி புள்ளிகளை பெற்று 8-வது இடத்திலும், சன் டிவியில் ஒளிபரப்பாகி வரும் மல்லி தொடர் 6.92 புள்ளிகள் உடன் 9-வது இடத்திலும், 10வது இடத்தில் 6. 14 புள்ளிகளுடன் ஆகா கல்யாணம் சீரியல் இருக்கின்றது.