மத்திய சிறுபான்மையினர் நலத்துறை மற்றும் மீன்வளத்துறை இணை அமைச்சராகப் பதவி வகித்த ஜார்ஜ் குரியன் தனது அமைச்சர் பதவியை ராஜினாமா செய்துள்ளார். அவரின் ராஜ்ய சபா எம்பி பதவி காலம் முடிவடைந்ததை அடுத்து, அவர் இந்த முடிவை எடுத்துள்ளார். பிரதமர் நரேந்திர மோடியின் பரிந்துரையின் பேரில், குடியரசுத் தலைவர் திரௌபதி முர்மு இந்த ராஜினாமாவை உடனடியாக ஏற்றுக்கொண்டுள்ளார்.
கேரள மாநில பாஜகவின் மூத்த தலைவர்களில் ஒருவரான ஜார்ஜ் குரியன், கடந்த 2024-ம் ஆண்டு மத்திய அமைச்சரவையில் இணை அமைச்சராகப் பதவி ஏற்றார். நாடாளுமன்ற உறுப்பினராக இல்லாத நிலையிலும் அவர் அமைச்சராக்கப்பட்டதால், அரசியல் சாசன விதிகளின்படி மத்தியப் பிரதேசத்தில் இருந்து ராஜ்ய சபாவுக்கு தேர்ந்தெடுக்கப்பட்டார். தற்போது நடந்து முடிந்த ராஜ்ய சபா தேர்தல்களில் அவருக்கு மீண்டும் போட்டியிட வாய்ப்பு வழங்கப்படாததால், பதவி காலம் முடிந்ததும் அவர் தனது பதவியை விலக்கியுள்ளார்.