மகாதேவ்நகரில் திங்கள்கிழமை அதிகாலை 3.15 மணியளவில் இருசக்கர வாகனத்தில் வந்த மூன்று அடையாளம் தெரியாத நபர்கள், ஒரு கடையின் ஷட்டரை பலவந்தமாகத் திறந்து பெட்ரோல் ஊற்றி தீ வைத்தனர். இந்தச் சம்பவம் முழுமையாக அங்குள்ள சிசிடிவி கேமராவில் பதிவாகியுள்ளது. இருவர் கடையின் மீது பெட்ரோல் ஊற்றி தீ வைத்த நிலையில், மூன்றாவது நபர் மோட்டார் சைக்கிளை இயக்க நிலையில் வைத்துத் தயாராகக் காத்திருந்துள்ளார்.
தீப்பற்றி எரிந்ததைக் கண்டு அப்பகுதி மக்களும் வியாபாரிகளும் பெரும் பீதியடைந்தனர். பின்னரே தீ கட்டுப்பாட்டுக்குள் கொண்டுவரப்பட்டது. இந்தத் தீ வைப்பு சம்பவத்தினால் கடை உரிமையாளருக்கு சுமார் ரூ 4 லட்சம் முதல் ரூ 5 லட்சம் வரை இழப்பு ஏற்பட்டிருக்கலாம் என காவல்துறையினர் மதிப்பிட்டுள்ளனர்.
https://twitter.com/HateDetectors/status/2098045074999304623/video/1
இச்சம்பவம் குறித்து மஞ்சரி காவல்துறையினர் பாரதிய நியாய சன்ஹிதாவின் பிரிவு 326-ன் கீழ் வழக்குப் பதிவு செய்துள்ளனர். குற்றவாளிகளின் அடையாளமும், இச்செயலுக்கான காரணமும் இன்னும் தெரியவரவில்லை. சிசிடிவி காட்சிகளை ஆய்வு செய்து குற்றவாளிகளையும், அவர்கள் பயன்படுத்திய வாகனத்தையும் காவல்துறையினர் தீவிரமாகத் தேடி வருகின்றனர்.