பீகார் தேர்தல் முடிவு…! சண்டையில் மருமகனை மிதித்தே கொன்ற மாமாக்கள்…. பதறிய அக்கம் பக்கத்தினர்…. நெஞ்சை உலுக்கும் பயங்கரம்…!!

பீகார் மாநிலம் சிவ்ஹார் மாவட்டத்தைச் சேர்ந்த சங்கர் மஞ்சி (22), தனது மாமாக்களான ராஜேஷ் மஞ்சி மற்றும் துபானி மஞ்சி ஆகியோருடன் மத்தியப் பிரதேசத்தின் குணா மாவட்டத்தில் கூலி வேலை செய்து வந்தார். இந்த மூன்று பேரும் ஞாயிற்றுக்கிழமை மது அருந்தி பேசிக் கொண்டிருந்தபோது, அவர்களிடையே பேச்சு அரசியல் குறித்துத் திரும்பியது.

சங்கர் மஞ்சி ஆர்ஜேடி (RJD) கட்சியின் ஆதரவாளராகவும், அவரது மாமாக்கள் இருவரும் நிதிஷ் குமாரின் ஜேடியு (JDU) கட்சியின் ஆதரவாளர்களாகவும் இருந்துள்ளனர். பீகாரில் நடந்த சட்டமன்றத் தேர்தலில் ஜேடியு வெற்றி பெற்றதாலும், ஆர்ஜேடி தோல்வியைத் தழுவியதாலும், தேர்தல் முடிவுகள் குறித்துக் குடிபோதையில் மூவருக்கும் இடையே கடும் வாக்குவாதம் ஏற்பட்டது.

இந்த விவாதம் ஒரு கட்டத்தில் எல்லை மீறிச் சென்றதால், ஆத்திரமடைந்த ராஜேஷும் துபானி மஞ்சியும் சேர்ந்து, சங்கரை அருகிலுள்ள சேற்றுப்பகுதிக்கு இழுத்துச் சென்று மாறி மாறி மிதித்துள்ளனர். இந்தச் சண்டையைப் பற்றி அப்பகுதியினர் தகவல் கொடுத்ததால், போலீசார் சம்பவ இடத்திற்கு வருவதற்குள், மிதிபட்டதில் சங்கர் மூச்சுத் திணறி துரதிர்ஷ்டவசமாக உயிரிழந்தார். இந்தச் சம்பவம் குறித்து வழக்குப் பதிவு செய்த போலீசார், குற்றவாளிகள் இருவரையும் கைது செய்து, சங்கரின் உடலைப் பிரேதப் பரிசோதனைக்காக மருத்துவமனைக்கு அனுப்பி வைத்தனர்.