“ஐயோ காப்பாத்துங்க… மின் கம்பத்தில் மோதி நிலைகுலைந்த கிரேன்… 4-வது மாடியில் இருந்து விழுந்து… 2 இளைஞர்கள் துடிதுடித்து பலி… நெஞ்சை பதறவைக்கும் சிசிடிவி காட்சி…!”

ஹரியானா மாநிலம் பஞ்ச்குலாவில் உள்ள தொழிற்பேட்டை பகுதி-2 இல் இயங்கி வரும் தனியார் நிறுவனக் கட்டிடத்தின் 4-வது மாடிக்கு, கிரேனைப் பயன்படுத்தி கனரக ஜெனரேட்டர் ஒன்றை உயர்த்தும் போது பயங்கர விபத்து ஏற்பட்டது. அப்போது கிரேன் எதிர்பாராதவிதமாகத் தனது நிலையை இழந்து சரிந்ததில், ஜெனரேட்டரின் மீது அமர்ந்திருந்த மணிஷ் மற்றும் நவீன் ஆகிய இரு இளம் தொழிலாளர்கள் உயரே இருந்து கீழே விழுந்தனர்.

இந்தக் கொடூர விபத்து அங்கிருந்த சிசிடிவி கேமராவில் பதிவாகியுள்ளது. உயரே இருந்து விழுந்த ஜெனரேட்டர் அருகில் இருந்த மின் கம்பிகள் மற்றும் மின் கம்பத்தின் மீது பலமாக மோதியதால் அப்பகுதியில் மின் விநியோகம் தடைபட்டது. படுகாயமடைந்த இரு தொழிலாளர்களும் உடனடியாக செக்டார்-6 சிவில் மருத்துவமனைக்குக் கொண்டு செல்லப்பட்டனர்; இருப்பினும், அவர்கள் ஏற்கனவே உயிரிழந்துவிட்டதாக மருத்துவர்கள் தெரிவித்தனர்.

தகவலறிந்து சம்பவ இடத்திற்கு வந்த செக்டார்-19 காவல்துறையினர், விபத்துக்குப் பயன்படுத்தப்பட்ட கிரேன் மற்றும் ஜெனரேட்டரைக் கைப்பற்றி விசாரணையைத் தொடங்கியுள்ளனர். பாதுகாப்பு விதிகளை மீறி தொழிலாளர்களை ஆபத்தான முறையில் ஜெனரேட்டர் மீது அமர வைத்தது யார் என்பது குறித்தும், இந்த விபத்து தொழில்முறை அலட்சியத்தால் ஏற்பட்டதா அல்லது கிரேனின் தொழில்நுட்பக் கோளாறால் நடந்ததா என்றும் போலீசார் தீவிரமாக விசாரித்து வருகின்றனர்.