அட கொடுமையே என்னடா இது… சுதந்திர தினமா?… முட்டாள்தனத்தின் கொண்டாட்டமா?… பாகிஸ்தான் வீதிகளில் வெடித்த கோர மோதல்… இணையத்தை உலுக்கும் அதிர்ச்சி வீடியோ…!

பாகிஸ்தானின் சுதந்திர தின கொண்டாட்டங்களின் போது, சாலைகளில் பொதுமக்கள் இடையே ஏற்பட்ட மோதல்கள் மற்றும் அராஜகங்கள் தொடர்பான காணொளிகள் சமூக வலைதளங்களில் வெளியாகி பெரும் பரபரப்பை ஏற்படுத்தியுள்ளன. கூட்டமாகத் திரண்ட நபர்கள் பாட்டில்களை எறிந்து கொண்டும், பரஸ்பரம் சண்டையிட்டுக் கொண்டும் சாலையில் பெரும் கூச்சலை எழுப்பிய காட்சிகள் அதில் பதிவாகியுள்ளன. நாட்டின் தேசியக் கொண்டாட்டத்தின் போது மக்களின் அடிப்படை பொறுப்புணர்வின்மையையும் ஒழுங்கீனத்தையும் இச்சம்பவங்கள் வெளிச்சம்போட்டுக் காட்டியுள்ளதாகக் கடும் விமர்சனங்கள் எழுந்துள்ளன.

இந்த விவகாரம் சமூக வலைதளங்களில் தீவிரமாக விவாதிக்கப்பட்டு வரும் நிலையில், நெட்டிசன்கள் இச்சம்பவத்தை “ஜஷ்னே ஜாஹாலத்” என்று கடுமையாக விமர்சித்து வருகின்றனர். பாகிஸ்தானைச் சேர்ந்த பல இணையவாசிகளும் இச்செயலைக் கண்டித்துள்ளதுடன், பொது இடங்களில் நடக்கும் இதுபோன்ற ஒழுங்கீனமான கலாச்சாரத்தை விமர்சித்துள்ளனர். அரசாங்கத்தைக் குறை சொல்வதற்குப் பதிலாக, மக்கள் தங்களது சுய ஒழுக்கத்தையும் சமூகப் பொறுப்பையும் வளர்த்துக் கொள்ள வேண்டும் எனப் பலரும் தங்களது ஆதங்கத்தைப் பதிவிட்டுள்ளனர்.

https://www.instagram.com/reel/Db_ZG13OBKm/?utm_source=ig_web_button_share_sheet

மேலும், இக்காண்டாட்டங்களில் பெண்கள் யாரும் பொதுவெளியில் கலந்துகொள்ளாததும் பெரும் கேள்விகளை எழுப்பியுள்ளது. சுதந்திர தினக் கொண்டாட்டங்கள் ஆண்களுக்கு மட்டுமே உரியதா என்றும், பெண்கள் வீட்டின் பால்கனிகளோடு முடங்கிப்போக நேரிடுவது ஏன் என்றும் சமூக ஆர்வலர்கள் கேள்வி எழுப்பியுள்ளனர். கடந்த காலங்களிலும் சுதந்திர தினக் கொண்டாட்டங்களின் போது பெண்களுக்கு எதிரான பாதுகாப்பு அச்சுறுத்தல்கள் நிகழ்ந்த நிலையில், பொதுவெளியில் பெண்களுக்கான சம உரிமை மற்றும் பாதுகாப்பு குறித்த விவாதங்களை இச்சம்பவம் மீண்டும் தூண்டியுள்ளது.