டெல்லியின் கஸ்தூர்பா நகரில் வெறும் 20 ரூபாய் பணத்திற்காக ஏற்பட்ட தகராறில், கணவன் தனது மனைவியைக் கொலை செய்துவிட்டுத் தானும் தற்கொலை செய்துகொண்ட அதிர்ச்சி சம்பவம் நிகழ்ந்துள்ளது. புதன்கிழமை மதியம் 48 வயதான குல்வந்த் சிங் வீட்டிற்கு வந்து, தனது மனைவி மஹிந்தர் சிங்கிடம் (45) 20 ரூபாய் கேட்டுள்ளார். மனைவி பணம் தர மறுத்ததால் இருவருக்கும் இடையே கடும் வாக்குவாதம் ஏற்பட்டு, அது மோதலாக மாறியது. இதில் ஆத்திரமடைந்த குல்வந்த் சிங், தனது மனைவியைக் கழுத்தை நெரித்துக் கொலை செய்தார்.
மனைவி உயிரிழந்த பிறகு, குல்வந்த் சிங் தற்கொலை செய்து கொண்டார். இச்சம்பவம் குறித்துத் தகவல் அறிந்த காவல்துறையினர், உயிரிழந்த தம்பதியினரின் உடல்களைக் கைப்பற்றி விசாரணை மேற்கொண்டு வருகின்றனர். இந்த சோகமான சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.