தமிழகத்தில் 2026 ஆம் ஆண்டு தேர்தல் நெருங்கிக் கொண்டிருக்கும் நிலையில் அனைத்து கட்சிகளும் தீவிரமாக தேர்தல் பணியில் ஈடுபட்டு வருகின்றன. தங்கள் கூட்டணியை பலமாக வைத்துக்கொண்டு இந்த முறையும் திமுக ஆட்சி தான் தமிழகத்தில் அமையும் என்ற நம்பிக்கையோடு முதல்வர் ஒரு பக்கம் அதற்கான வேலைகளை செய்து கொண்டிருக்கின்றார். மறுபக்கம் பாஜகவுடன் கூட்டணி வைத்துள்ள அதிமுக தமிழகத்தில் ஆட்சியை நிலைநாட்ட ஒரு பக்கம் வேலைகளை செய்து கொண்டிருக்கின்றது. இவர்களுக்கு நடுவே விஜய் தமிழக வெற்றி கழகம் கட்சியுடன் பயணித்து மக்களுக்கு புதிய ஆட்சியை தர வேண்டும் என்ற முனைப்பில் செயல்பட்டு வருகின்றார்.
இந்நிலையில் நேற்று அதிமுக மற்றும் பாஜகவுடன் கூட்டணி இல்லை என்று விஜய் அதிகாரப்பூர்வமாக அறிவித்திருந்தார். அதிமுகவை இது நாள் வரை மென்மையாக அணுகி வந்த விஜய் அதிமுகவுடன் கூட்டணி இல்லை என்று பகிரங்கமாக அறிவித்துள்ளார். அதிமுக கூட்டணி ஆப்ஷனை விஜய் ஒதுக்கியதற்கான மூன்று காரணங்கள் உள்ளது. அதாவது இபிஎஸ் பலம் பெறுவது எதிர்காலத்தில் TVK வளர்ச்சிக்கு இடையூறாக இருக்கும். திமுக ஆளும் கட்சியாக இருந்தபோது பாஜக, நாம் தமிழர் கட்சி வளர்ந்தது போல தமிழக வெற்றிக்கழகம் கட்சியும் வளரும். நடுநிலை வாக்குகளை இழக்க நேரிடும் என்ற முன்னெச்சரிக்கை காரணமாகத்தான் விஜய் இந்த முடிவை எடுத்துள்ளார்.