தமிழகத்தில் 2026 சட்டமன்ற தேர்தல் நெருங்கிக் கொண்டிருக்கும் சூழலில் விஜயின் அரசியல் பயணம் என்பது ஒவ்வொரு நொடியும் உன்னிப்பாக கவனிக்கப்பட்டு வருகிறது. கரூர் துயர சம்பவத்திற்கு பிறகு இரண்டு மாதங்கள் கழித்து சமீபத்தில் புதுச்சேரியில் பிரம்மாண்டமாக விஜய் பொதுக்கூட்டத்தை நடத்தி முடித்தார். அதில் தமிழகத்தில் முதல்வர் ஸ்டாலினின் ஆட்சியை விமர்சித்தும் புதுச்சேரியில் முதல்வர் ரங்கசாமியின் ஆட்சியை பாராட்டியும் பேசி இருந்தார்.
இந்நிலையில் புதுச்சேரியில் பரப்புரை செய்த விஜய் அங்கு ஆளும் என்.ஆர் காங்கிரஸ் பற்றி ஏதும் பேசாமல், அவர்களுடன் கூட்டணியில் உள்ள பாஜகவை மட்டும் விமர்சித்திருந்தார். இதனால் தமிழக வெற்றிக்கழகம் மற்றும் என் ஆர் காங்கிரஸ் கூட்டணி அமையலாம் என அரசியல் களத்தில் பேசப்படுகிறது. இதனைத் தொடர்ந்து தமிழக வெற்றிக் கழகம் கட்சியுடன் கூட்டணி அமைப்பது பற்றி முதல்வர் ரங்கசாமிக்கு தான் தெரியும் என புதுச்சேரி அமைச்சர் லட்சுமி நாராயணன் சூசகமாக தெரிவித்துள்ளார். இதனால் விரைவில் இது குறித்து அறிவிப்பு வெளியாகும் என தெரிகிறது.