“மஞ்சள் துண்டு தந்தை முதல்… ஆபாசநதி மகன் வரை”…. தவெகவின் காட்டமான அறிக்கையால் அதிரும் போயஸ் கார்டன்…. ஸ்டாலினுக்கு தவெக வைத்த பகீர் செக்….!

முதலமைச்சர் விஜயின் பேச்சு, அதற்கு திமுக தலைவரும் முன்னாள் முதலமைச்சருமான மு.க.ஸ்டாலின் வெளியிட்ட விளக்க வீடியோ, அதனைத் தொடர்ந்து தமிழக வெற்றிக் கழகம் (தவெக) முன்வைத்துள்ள காரசாரமான விமர்சனங்கள் எனத் தமிழக அரசியல் களம் பெரும் சூடடைந்துள்ளது. மிசா சட்டத்தின்கீழ் ஸ்டாலின் கைது செய்யப்பட்டது குறித்த சட்டப்பேரவை விவாதமும், அதற்கு பதிலடியாக இரு தரப்பிலிருந்தும் வெளியாகும் அறிக்கைகளும் அரசியல் வட்டாரத்தில் பரபரப்பை ஏற்படுத்தியுள்ளன.

முன்னதாக சட்டப்பேரவையில் பேசிய முதலமைச்சர் விஜய், ஸ்டாலின் மிசா காலத்தில் கைது செய்யப்பட்டிருந்தாலும், அவர் மீது மிசா வழக்குகள் ஏதும் பதிவு செய்யப்படவில்லை என்றும், கடந்த 50 ஆண்டுகளாகக் கட்டமைக்கப்பட்ட போலி பிம்பங்கள் உடைத்தெறியப்படும் என்றும் பேசியிருந்தார். இதற்கு விளக்கமளித்து வீடியோ வெளியிட்ட ஸ்டாலின், தான் சிறையில் அனுபவித்த கொடுமைகளையும், தந்தை கருணாநிதி தன்னை காவல்துறையிடம் ஒப்படைத்த நிகழ்வுகளையும் குறிப்பிட்டிருந்தார். மேலும் தவெக அரசின் ஆட்சியில் சட்டம் ஒழுங்கு சீர்குலைந்துள்ளதாகவும் கடுமையாகச் சாடியிருந்தார்.

ஸ்டாலினின் இந்த விளக்க வீடியோவிற்குப் பதிலடி கொடுக்கும் வகையில், தமிழக வெற்றிக் கழகத்தின் அதிகாரப்பூர்வ சமூகவலைதளப் பக்கத்தில் சுடச்சுட அறிக்கை ஒன்று வெளியிடப்பட்டுள்ளது. அதில், “பல ஆண்டுகளாகக் கட்டமைக்கப்பட்ட ‘சிறை சென்ற தியாகி’ என்ற போலி பிம்பம் உடைந்த பதற்றத்தில்தான் இந்த வீடியோ வெளியிடப்பட்டுள்ளது. இத்தனை நீளமாகப் பேசியும், மிசா கைதுக்கான ஆவணம் (Detention Copy) பற்றி மட்டும் மூச்சுவிடாதது ஏன்?” எனத் தவெக நேரடியாகக் கேள்வி எழுப்பியுள்ளது.

மேலும், “உண்மைக்கு விளம்பரங்களோ, விளக்கங்களோ தேவையில்லை; பல கட்டுகளுடன் (Cuts) உணர்வற்ற முறையில் வெளியான இந்த வீடியோ, பொய் பிம்பத்தைத் தக்கவைக்க முயலும் படுதோல்வி முயற்சியாகும்” என்றும் தவெக விமர்சித்துள்ளது. ஒருபுறம் வரலாற்றை யாராலும் மாற்ற முடியாது என ஸ்டாலின் தரப்பும், மறுபுறம் ஆவணங்கள் மூலம் போலி பிம்பங்கள் அம்பலமாகிவிட்டன எனத் தவெக தரப்பும் மாறி மாறி அறிக்கைப்போரில் ஈடுபட்டு வருவது தமிழக அரசியலில் பெரும் புயலைக் கிளப்பியுள்ளது.