அடப்பாவி..! பிஞ்சு கையில் மெழுகுவர்த்தியை ஏற்றிய டியூசன் ஆசிரியை… பெற்றோரிடம் கதறிய 3 வயது குழந்தை… அதிர வைக்கும் காரணம்..!!

By Soundarya on ஆடி 31, 2025

Spread the love

மகாராஷ்டிரா மாநிலம் மும்பையில் ஒரு பயங்கரமான சம்பவம் வெளிச்சத்திற்கு வந்துள்ளது. டியூஷன் ஆசிரியர் ஒருவர் குழந்தைகளுக்கு டியூஷன் நடத்தி வந்த நிலையில் அவரிடம் பயின்று வந்த ஒரு குழந்தையின் கையெழுத்து மோசமாக இருந்ததால் கோபமடைந்த டியூஷன் ஆசிரியர் ராஜஸ்ரீ ரத்தோட் எரியும் மெழுகுவர்த்தியை அந்த குழந்தையின் கையில் வைத்துள்ளார். இதனால் குழந்தையின் கை மோசமாக எரிந்துள்ளது. இதனை அடுத்து குழந்தை வீட்டிற்கு வந்து தன்னுடைய பெற்றோரிடம் கூறிய நிலையில் குழந்தையின் தந்தை போலீசில் புகார் அளித்ததன் பெயரில் காவல்துறையினர் ஆசிரியர் மீது வழக்கு பதிவு செய்து விசாரணை நடத்தியுள்ளார்கள்.

காவல்துறையினரிடம் இருந்து கிடைத்த தகவலின் படி, பாதிக்கப்பட்ட குழந்தை மூன்றாம் வகுப்பு படித்து வருகிறது. ஒவ்வொரு மாலையும் டியூஷனுக்கு செல்வது வழக்கம். சம்பவத்தன்று  அந்த குழந்தையின் சகோதரி  அழைக்க வந்தபோது குழந்தை அழுது கொண்டிருப்பதையும், வலது கையில் பலத்த  தீக்காயங்கள் இருப்பதையும் பார்த்துள்ளார். அது குறித்து ஆசிரியரிடம் கேட்டபோது “அவன் சும்மா நடிக்கிறான்” என்றும்  கூறியுள்ளார் .

   

ஆனால் வீட்டுக்கு வந்ததும் குழந்தை தன்னுடைய தந்தையிடம் கையெழுத்து மோசமாக இருந்ததால் டியூசன் ஆசிரியை கையில் மெழுகுவர்த்தியை  ஏற்றியதாக கூறியுள்ளார். இதனால் பெற்றோர்கள் அதிர்ச்சி அடைந்துள்ளார்கள். இதனையடுத்து காவல் நிலையத்தில் புகார் அளித்த நிலையில் காவல்துறையினர் ஆசிரியரரை கைது செய்து விசாரணை நடத்தி வருகிறார்கள்.