தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக களத்தில் இறங்கி பணியாற்றி வருகின்றன. தற்போது விஜய்யும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. அவரை தங்கள் கூட்டணியில் இணைக்கும் முயற்சியில் மாற்றுக் கட்சியினர் ஈடுபட்டு வருகிறார்கள்.
தமிழகத்தில் 2026 சட்டமன்ற தேர்தலில் தமிழக வெற்றி கழகம் கட்சியுடன் கூட்டணியில் அமமுக இடம்பெறும் என்று தகவல் வெளியானது. அதனை உறுதி செய்யும் வகையில் விஜய் தலைமையில் கூட்டணி அமையும் என்று டிடிவி தினகரனும் அடிக்கடி கூறி வந்தார். ஆனால் தற்போது விஜய் தலைமையில் கூட்டணி அமையும் என்றேனே தவிர விஜயுடன் கூட்டணியில் இணைவோம் என்று நான் கூறவேயில்லை என்று டிடிவி தினகரன் விளக்கம் அளித்துள்ளார். மேலும் விஜயை கூட்டணிக்கு வாங்க வாங்க என்று இபிஎஸ் கூவி அழைப்பதாகவும் டிடிவி தினகரன் விமர்சித்துள்ளார்.