சுய ஒழுக்கத்தை சொல்லி கொடுங்க…! உங்க கட்சி நிர்வாகியிடமிருந்து பாதுகாக்கவே புதிய சிங்கப்பெண் படை வேணுமா…? முதல்வர் விஜயை கடுமையாக விமர்சித்த டிடிவி தினகரன்…!!

தமிழக வெற்றி கழகத்தின் நிர்வாகிகள் கடலூர், கரூர் மற்றும் ராமநாதபுரம் ஆகிய பகுதிகளில் தொடர்ந்து பெண்களுக்கு எதிரான பாலியல் அத்துமீறல்களில் ஈடுபட்டு வருவது மக்கள் மத்தியில் பெரும் அதிருப்தியை ஏற்படுத்தியுள்ளது. கரூரின் குளித்தலை பகுதியில் திருமணமான பெண் ஒருவரைத் தொடர்ந்து சென்று அநாகரிகமான சைகைகளுடன் பாலியல் துன்புறுத்தல் செய்ய முயன்ற தவெக ஒன்றிய செயலாளரைப் பொதுமக்கள் பிடித்து தர்மஅடி கொடுத்துக் காவல் துறையிடம் ஒப்படைத்துள்ளனர். மேடைகளில் பெண்களின் பாதுகாப்பு குறித்துப் பேசும் தமிழக முதலமைச்சரும் தவெக தலைவருமான சி. ஜோசப் விஜய், தனது சொந்தக் கட்சியினரின் இத்தகைய ஒழுக்கக்கேடான குற்றச் செயல்களுக்கு எப்போது முற்றுப்புள்ளி வைக்கப்போகிறார் என்று எதிர்க்கட்சிகள் கேள்வி எழுப்பத் தொடங்கியுள்ளன.

இச்சம்பவத்தைக் கண்டித்து அம்மா மக்கள் முன்னேற்றக் கழகத்தின் பொதுச்செயலாளர் டிடிவி தினகரன் தனது சமூக வலைத்தளப் பக்கத்தில், தவெகவினரிடமிருந்து பெண்களைக் காப்பாற்ற இன்னுமொரு ‘சிங்கப்பெண் சிறப்பு அதிரடிப்படை’ அமைக்க வேண்டுமா என்று காரசாரமாக வினவியுள்ளார். இதேபோல், பாதிக்கப்பட்ட பெண் புகார் அளித்தும் காவல்துறையினர் உரிய நடவடிக்கை எடுக்காததைச் சுட்டிக்காட்டியுள்ள திமுக நாடாளுமன்ற உறுப்பினர் (MP) கனிமொழி, முதலமைச்சர் விஜய் முதலில் தனது கட்சியினருக்குச் சுய ஒழுக்கம் குறித்துப் பாடம் எடுக்க வேண்டும் என்று கடுமையாகச் சாடியுள்ளார். குற்றவாளிகள் யாராக இருந்தாலும் அவர்கள் மீது பாரபட்சமின்றி மிகக் கடுமையான சட்ட நடவடிக்கை எடுத்து, மாநிலத்தில் பெண்களின் சுதந்திரத்தையும் பாதுகாப்பையும் உறுதி செய்ய வேண்டும் எனப் பல்வேறு அரசியல் தலைவர்கள் தங்களின் கண்டனங்களைப் பதிவு செய்து வருகின்றனர்.