வெற்றிப் படங்களை தரும்போது அந்த படத்தின் தயாரிப்பாளர் படத்தில் நடித்த நடிகர் நடிகைகள் தொழில்நுட்ப கலைஞர்களுக்கு விருது வழங்கி கௌரவிப்பது வழக்கம். ஆனால் துபாயை சேர்ந்த தொழிலதிபர் கண்ணன் ரவி அவர் தயாரித்த படம் தலைவர் தம்பி தலைமையில் படம் மாபெரும் வெற்றி பெற்ற நிலையில் தியேட்டர்காரர்களுக்கும் தடபுடல் விருந்து தர ஏற்பாடுகளை செய்துள்ளார்.
நடிகர் ஜீவா நடிப்பில் பொங்கலுக்கு வெளியான டிடிடி படம் பெரிய வெற்றியை பெற்றதால் தயாரிப்பாளர் சக்சஸ் மீட் நடத்தி இந்த படத்தில் பணிபுரிந்த அனைவருக்கும் ஷீல்டு கொடுத்து பாராட்டி கௌரவித்தார். தொடர்ந்து கடந்த சில தினங்களுக்கு படத்தின் 25வது நாளில் சென்னை கோயம்போட்டில் உள்ள ரோகிணி தியேட்டரில் படம் பார்க்க வந்த ரசிகர்களுக்கு பட்டு வேட்டி சட்டை பட்டு புடவை என பரிசளித்தார்.
இப்போது அந்த படத்தின் வெற்றிக்கு உறுதுணையாக இருந்த தியேட்டர் உரிமையாளர்களையும் அவர் மறக்காமல் அவர்களுக்கு தடபுடல் விருந்து ஏற்பாடு செய்திருக்கிறார். இப்போதும் தலைவர் தம்பி தலைமையில் படம் தமிழ்நாட்டில் 141 தியேட்டர்களில் ஓடிக்கொண்டிருக்கும் நிலையில் இந்த படம் வெளியான அனைத்து தியேட்டர் உரிமையாளர்கள், ஊழியர்களுக்கு இந்த தடபுடல் விருந்து அளிக்கப்படுகிறது.