பிரபல யூடியூபரான TTF வாசன் மோட்டார் சைக்கிளை வேகமாக ஓட்டி சென்று இளைஞர்களிடையே பிரபலம் ஆனவர். தற்போது அவர் மஞ்சள் வீரன் என்ற படத்தில் கதாநாயகனாக நடித்து வருகிறார். நேற்று TTF வாசன் விலை உயர்ந்த தனது மோட்டார் சைக்கிளில் மராட்டிய மாநிலம் நோக்கி புறப்பட்டார்.
இந்நிலையில் காஞ்சிபுரம் மாவட்டத்தில் உள்ள பாலுசெட்டிசத்திரம் பகுதியில் அதிவேகமாக சென்ற TTF வாசன் “வீலிங்” செய்ய முயன்ற போது மோட்டார் சைக்கிள் கட்டுபாட்டை இழந்து சாலையோர தடுப்பின் மீது மோதி தூக்கி வீசியது.
இதனால் TTF வாசன் மோட்டார் சைக்கிளோடு தூக்கி வீசப்பட்டு பலமுறை குட்டிக்கரணம் அடித்தபடி கீழே விழுந்துவிட்டார். உடனே அந்த வழியாக சென்றவர்கள் படுகாயமடைந்த TTF வாசனை மீட்டு மீனாட்சி மருத்துவக் கல்லூரி மருத்துவமனைக்கு அனுப்பி வைத்தனர். பாதுகாப்பு கவச உடைய அணிந்திருந்ததால் TTF வாசன் உயிர் தப்பினார்.
ஆனாலும் அவரது கையில் எலும்பு முடிவு ஏற்பட்டது. அவர் மேல் சிகிச்சைக்காக சென்னை மருத்துவமனைக்கு அனுப்பி வைக்கப்பட்டுள்ளார். தற்போது நண்பர் அஜீஸ் வீட்டில் ஓய்வு எடுக்கும் TTF வாசனை காண ஏராளமான ரசிகர்கள் சென்ற வண்ணம் உள்ளனர். TTF வாசன் விபத்தில் சிக்கி மோட்டார் சைக்கிளோடு தூக்கி வீசப்பட்ட வீடியோ காட்சிகள் சமூக வலைதளத்தில் வேகமாக பரவி வருகிறது.
#TTFVasan Accident aahm ????pic.twitter.com/LSKFQxSItg
— Prakash Mahadevan (@PrakashMahadev) September 17, 2023