சமூக வலைதளங்களில் பரவி வரும் நடிகர் மற்றும் தமிழக முதலமைச்சர் விஜய் மற்றும் அவரது மனைவி சங்கீதா இடையேயான விவாகரத்து வதந்திகளும், அதற்கு நடிகை த்ரிஷா தான் காரணம் என்ற செய்திகளும் முற்றிலும் ஆதாரமற்றவை. சமீபத்தில் நடைபெற்ற திருமண விழா ஒன்றில் விஜய் மற்றும் த்ரிஷா ஒன்றாகக் கலந்துகொண்ட வீடியோவை அடிப்படையாகக் கொண்டு, இவர்களுக்கு இடையே திருமணத்தை மீறிய உறவு இருப்பதாகக் கூறி செங்கல்பட்டு நீதிமன்றத்தில் சங்கீதா மனு தாக்கல் செய்துள்ளதாக வெளியான தகவல்களில் எவ்வித உண்மையும் இல்லை.
விஜய்யின் பிறந்தநாளுக்கு கடந்த 2023, 2024 மற்றும் 2025 ஆகிய ஆண்டுகளில் இன்ஸ்டாகிராமில் புகைப்படங்களை பகிர்ந்து வாழ்த்து தெரிவித்த த்ரிஷா, இந்த ஆண்டு எந்த ஒரு வாழ்த்துப் பதிவையும் வெளியிடவில்லை என்பது உண்மைதான். முதலமைச்சரான பிறகு விஜய் கொண்டாடும் முதல் பிறந்தநாள் என்பதால் த்ரிஷாவின் வாழ்த்தை ரசிகர்கள் எதிர்பார்த்திருந்த நிலையில், அவர் வாழ்த்து தெரிவிக்காதது சமூக வலைதளங்களில் பல்வேறு விவாதங்களை கிளப்பியது.
இதன் தொடர்ச்சியாக, இன்ஸ்டாகிராம் பக்கத்தில் விஜய்யை த்ரிஷா ‘அன்ஃபாலோ’ செய்துவிட்டார் என்ற புதிய வதந்தி பரவியது. ஆனால், த்ரிஷா தனது இன்ஸ்டாகிராம் பக்கத்தில் விஜய்யை என்றைக்குமே பின்தொடர்ந்தது இல்லை என்பதே உண்மையாகும்; பின்தொடராத ஒருவரை அன்ஃபாலோ செய்ய வாய்ப்பில்லை. விஜய் மட்டுமல்லாது, உதயநிதி ஸ்டாலின் மற்றும் சூர்யா உள்ளிட்ட தம்மோடு நடித்த சக முன்னணி நடிகர்கள் யாரையுமே த்ரிஷா தனது இன்ஸ்டாகிராம் பக்கத்தில் பின்தொடரவில்லை என்பது குறிப்பிடத்தக்கது.